太極樂隊在紅館的一連兩晚舉行《歐洲坊呈獻太極交響狂熱演唱會》。管弦樂團參與的部分結束後，Patrick（雷有輝）在台上笑說：「冇㗎啦喎，你哋仲唔走？咁得返我哋喺度，就狂野啲㗎啦喎！」說完Patrick同Joey都除剩黑色緊身背心大騷粗壯手臂大叫：「起身玩喇喂！」現場隨即歡呼。太極一口氣唱出原版的《紅色跑車》、《沉默風暴》、《懸崖》、《迷途》等歌，Patrick愈唱愈high，不時大跳，又向觀眾大叫：「錫晒你哋！」不時有不同樂器的演奏者上台合作齊齊Jam，令到全場氣氛不斷升溫。
Joey自爆患病
之後Joey（鄧建明）突然在台上自爆：「我想喺度借少少時間多謝啲人，兩年前我發覺自己患上一個病，未發作嘅，媽媽唔好擔心，就係脂肪肝，我唔知係咪好多朋友都有呢個病，於是我嘅朋友不辭勞苦咁，帶我去健身室做運動，好多人以為我係為開騷去操弗，其實我係為咗健康，大家覺得我依家得唔得呀？」觀眾即大叫：「好得呀！」
Patrick眼濕濕感激支持
Patrick亦感性謂：「一路以來我好感恩有個美好嘅家庭，同埋一直同咁多好兄弟一齊，真係冇得頂。我亦都深深感激喺條街、搭的士、喺外地，撞到要同我哋影相嘅人，聽到你哋讚啲歌好聽，係好感動，多得呢啲鼓勵先令我哋一路行落去，為音樂而奮斗，如果冇咗你哋我唔知會變成點，所以我好珍惜每一次表演嘅機會，三十幾年喇！」他邊講邊開始眼濕濕，觀眾都叫他：「唔好喊呀！」Patrick最後大呼：「你哋好正！一齊唱！」
最後管弦樂團重新出場，與太極合奏最後一曲《留住我吧》，演唱會在一片感動的氣氛中結束，舞台噴出彩帶，太極六子在台上鞠躬多謝觀眾，演唱會在晚上11時20分結束。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
