今晚播出的《流行經典50年》，找來林穎彤(Bella)翻唱張栢芝的《任何天氣》。翻唱如果唱得比原唱好，當然令人驚喜萬分，不過不失都還可以，但如果衰過原唱，就足以令人詬病一段長時間。
當年張栢芝鵝公喉聲線，已經令不少人取笑她成為歌手，估不到一山還有一山低，Bella的歌聲更令不少網民留言話要求栢芝出山，又指Bella不如拍戲好過，不要做歌手，污辱大家的耳朵。
的確Bella的表現尤如去唱K一樣，加上聲線繃緊，更出現尾音走音情況。到她唱畢之後，家燕姐或者亦深明她的唱功已經盡力，仍不忘鼓勵大讚Bella「人靚聲甜」、「大家俾個Like佢啦」，難怪網民都指家燕姐有大將之風。
以Bella的表現與栢芝相比，後者真的會拿滿分。Bella早前已跟星夢簽約，稍後更會推出新歌踏足樂壇，按照大台捧人原則，Bella的歌聲定必在不同劇集出現，或者不停亮相《勁歌金曲》，直至洗腦到大家都記得為止。
同時亦有網民留意到Bella唱歌時，不時屈膝，留言話︰「可能佢覺得氣運丹田要坐一坐先得啦」但如果Bella用丹田也是唱出如此表現，分分鐘有望成為一曲歌手。
- 老老實實，她的唱功有待改變
- 屈膝唱歌，可能真係可以唱得好啲
來源 source: http://nextplus.nextmedia.com
|
鍾意就快D Share啦！
|
|
|
