去年憑網劇《反黑》「招積」一角彈出的張建聲，昨透過社交網站宣布與拍拖兩年的女友陳嘉莉（Kelly）分手！兩人拍拖期間，經常出雙入對，表現恩愛，但今有指兩人分手的真正原因，是因張建聲拍《作家的謊言》而跟對手松岡李那撻着。張建聲否認其事，強調分手只因雙方的價值觀不一，絕不涉及第三者。
唔涉及第三者
其實分手已經令他不好受，始終兩年情不是說放下就可以放下，但傷口還未痊愈，就有這些第三者介入的傳聞，令他很無奈：「我入行七年，一路都冇其他緋聞，我同佢（Kelly）分手係拍《作家的謊言》之前，原因除咗我專注事業忽略咗佢之外，我哋對好多嘢嘅睇法都好唔同，總之分手嘅原因，我同佢都清楚，但絕對唔涉及第三者，我亦冇做過任何對唔住呢段感情嘅事。」
冇時間拍拖
張建聲直言現在正為事業搏殺，感情事暫時沒有時間去經營，他謂：「之前我搞新戲，成個星期都喺尖沙咀度開會，我明白唔係個個女仔會明白，但我真係要搞好自己監製嘅戲，呢個係我嘅責任。」
松岡冇同張建聲私下聯絡
松岡李娜對於第三者傳聞亦嚇了一跳，她謂：「我同佢（張建聲）私底下完全冇聯絡、冇私底下見過面，佢亦冇約過我去街，唔明白點解會有咁嘅傳聞。」
同方詠琳去旅行？
除了松岡李娜，今亦有傳新人方詠琳是介入張建聲與陳嘉莉感情的第三者，更指張建聲跟對方曾一起去峇里旅行及去看周杰倫演唱會。對此，張建聲表示：「去旅行係幾個人一齊去，當時我已經同Kelly分咗手，我同佢（方詠琳）仲住唔同嘅別墅；而去睇演唱會，係因為當日朋友畀咗兩張演唱會飛，臨時臨急搵唔到朋友，咁啱佢有時間就一齊去，絕對唔係之前約好。」
張建聲再ig發出與陳嘉莉的聯合聲名：「首先很抱歉因我們倆的事而令到大家憂心。分開是一個很不容易、很痛苦的決定，但卻是我倆深思熟慮後，認為是暫時最好的選擇。我們僅此重申這是我們兩人的事，絕對没有其他人介入其中。多謝大家的關心，我們會各自繼續為將來努力。」
|
鍾意就快D Share啦！
|
|
|
