邊個咁大膽咁講？(Getty Images)
即上英超刨績王：http://win.on.cc/epl
正當幾乎全世界都認定，今季英超早已經係曼城囊中物，只係等時間到，不過近日，一位喺球壇地位崇高嘅人物，竟然作出大預言，話曼城仲有失冠危機，揚言曼聯後上奪冠不是夢！究竟佢係真傻定假癲？定純粹向榜首仲有6輪帶出13分嘅曼城作出警告？點都好，究竟佢係咩人？你哋又信唔信先？
首先，原來講出呢番話嘅，竟然係曼城領隊哥迪奧拿本人，隨住曼城上週不敵曼聯，錯過咗提早奪標機會，同時喺歐聯又畀利物浦雙殺，一口氣連輸3場波，哥帥直頭輸到慌，話驚曼城會輸到崩潰。哥迪奧拿話：「我講真呀！足球就係咁充滿激情，依家我哋要做，就係專注對熱刺同之後嘅比賽。其實我真係冷靜唔到，舊年11、12月，當時幾多專家已經話我哋攞硬冠軍，話我哋唔會失分，點知啱啱呢星期，我哋已經輸咗3場波！我依家有預感，曼聯真係好Fit，佢哋人腳質素好，可以贏晒淨番6場比賽，所以我哋一定要做好自己本份，由聽日（對熱刺）開始。」
咪以為哥帥係嚇鬼吹水，佢仲舉出2003/2004球季西甲，當時擁有施丹、費高、碧咸、魯爾等巨星嘅皇馬，喺一度領先過11分之下，最後7場聯賽輸咗6場，埋單最後落後當年冠軍華倫西亞7分，認真離譜。哥帥話：「我話你知，真係有可能發生呀！皇馬喺好多年前，就試過連輸好多場波，最後失落冠軍。」有根有據，唔到你唔信，但你哋又信唔信曼城會失冠呢？
Go Go 開波 GOAL DX 策略手遊
贏盡100萬現金獎賞 https://goo.gl/irtKhK
東網體育同你追實體壇每個精彩時刻！
https://goo.gl/ewVpvE
來源 source: http://hk.on.cc
|
鍾意就快D Share啦！
|
|
|
