阿嬌(鍾欣潼)同台灣「醫界王陽明」賴弘國嘅婚禮將於今年12月舉行，阿嬌同老公仔目前要分隔兩地，努力工作，而阿嬌早前出席電影《失蹤》開鏡儀式時，就話過婚禮已經籌備一半，婚紗相亦已經諗好咗畫面，至於生BB，佢就話要養好身體先。
這邊廂，阿嬌同賴弘國正講如何規劃將來，如何籌備婚事...然而那邊廂，賴弘國嘅前妻「華航林依晨」Ivy（趙筱葳）就係社交網發長文，似是有所暗示。
Ivy前晚9時許，仲好開心咁喺fb做直播，直播佢試新裝，但一小時後，Ivy突然喺fb同IG發千字文，講到如何走出傷痛，而佢嘅大前提就係「愛自己吧！」佢留言：「妳總是問我，怎麼走過那樣的傷痛？一開始我可能會愣一下，妳說甚麼傷痛？喔，那個啊，妳不提我的心還不會揪一下。」
之後Ivy就話：「怎樣能走到這一步呢？我思考後唯一的解答是：愛自己吧！......當妳發現這個世界除了愛別人也可以愛自己時，對自己好是天經地義，讓自己變得更好對下一個他才公平。」Ivy語重心長話要忘記傷痛，大前提係要愛自己，而最後佢嘅總結就係：「那個誰傷了誰已經不重要了。」
好多網民睇到Ivy嘅千字文，都身同感受話「時間係最好的藥」，亦多謝Ivy發放正能量，直言Ivy值得擁有更好的愛。
來源 source: http://hk.entertainment.appledaily.com
|
鍾意就快D Share啦！
|
|
|