將踏入49歲的鄭嘉穎與27歲陳凱琳（Grace）近日傳出將於下月12日在峇里奉子成婚，目前Grace已停工等做人妻兼靚媽，但因陀B未夠三個月作低調處理。
有報道指與馬國明、林子善、黃嘉樂和唐詩詠等一班《鐵馬尋橋》兄弟將被邀請出席婚禮，昨日唐詩詠在銅鑼灣出席活動時，被問到嘉穎和Grace的婚禮及出發日期，詩詠說：「哎呀，未呀，朋友都係聽指引，我8月同9月都分別攞咗五日假，原本係自己放假，我都係等通知，亦都冇問任何嘢，佢哋需要好大空間去處理，總之有乜搵我就做，要飛就即刻飛。」
朋友兩脇插刀
問到會否擔任兄弟團？詩詠說：「我唔知件事係點，交畀佢哋處理，我哋乖乖哋聽話。由佢哋拍拖開始，每日都stand by畀佢哋，希望有呢日。」之後又問到他們是否雙喜臨門？詩詠說：「真係唔知道，唔夠膽問，最多三個月後我先問啦，世界上只得佢兩個知，大家估吓。」詩詠還稱所有事要等當事人親口講先會相信，她不會信傳聞。唐詩詠還力撐好友：「做朋友就兩脇插刀，乜事都支持，始終係佢好個人嘅事，唔知乜事就唔會問，作為朋友最好就係咁。」再追問下月中是否會飛峇里，唐詩詠再三表示：「你知我唔講得！」
定欣講新戀情
馬國明昨晚在將軍澳出席活動，則選擇迴避傳媒，只有黃心穎接受訪問，對於會否出席婚宴，心穎說：「佢唔係避大家，只不過趕住去開工，我哋未收到嘉穎結婚嘅消息。」同場的胡定欣被指暗撻張振朗，對方生日特意請朋友設計生日蛋糕，定欣坦言覺得很奇怪，她還說：「嗰個蛋糕唔係我訂㗎，好多圈中朋友都鍾意搵嗰個朋友整蛋糕。」至於會否接受姊弟戀？定欣就說：「年紀唔係問題，況且到咗我呢個年紀，唔會揀太多！」
此外，《蘋果》前日收到讀者黃先生報料，聲稱早上目睹Grace在陳媽媽陪同下，到一間私家醫院做產檢，據知Grace已經懷孕五至六周，因身體不適表現有點緊張兼擔心。雖然早在傳出婚訊時，嘉穎與Grace同一口徑否認此事，Grace還說：「我唔知邊個咁有創意。」對於再有指她到醫院產檢，有傳媒再向Grace了解，不過未獲回覆。
採訪：卓寶花
攝影：陳慧安
|
鍾意就快D Share啦！
|
|
|