掃呢頁CODE去手機

2020年2月21日 星期五

【點似54歲】超弗劉嘉玲天天行山 強身抗疫 #劉嘉玲

近年積極養生的劉嘉玲,一有空餘時間,唔再係hightea、shopping,而係遊走山間,吸吓新鮮空氣。坦白講,佢行山嘅頻密程度,真係一班後生都未必及 ...






近年積極養生的劉嘉玲,一有空餘時間,唔再係high tea、shopping ,而係遊走山間,吸吓新鮮空氣。

坦白講,佢行山嘅頻密程度,真係一班後生都未必及得上。尤其係呢段抗疫時期,個個吽到冇晒心機,先至出門唞吓氣,嘉玲就有理無理,近乎日日出動。

又難怪嘅,新年期間,身為梁朝偉經理人嘅佢要做「跟得夫人」,陪老公到澳洲拍Mavel第一部華人英雄片《上氣:十環傳奇》(Shang-Chi : The Legend of the Ten Rings),直至近排佢先至有得返香港,梗係要把握天朗氣清行番夠本。

根據天氣報告,香港仲係受緊東北季候風影響,唔怪之得山頂嘅風勢大到好似打風咁,嘉玲忍唔住邊拍片邊說:「真係好大風呀!」幸好生得高頭大馬,唔係人在山頂,分分鐘被吹郁!

而日前行山,佢好活潑咁一躍跳起,身手靈活,彈跳力亦有番咁上下,明顯係行山日子有功嘅成果。點似54歲呀!

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址


鍾意就快D Share啦!