咁大家到時記得投票喇！
去年《多功能老婆》播出後反應甚佳，全城起哄開續集，劇集總監製陳寶華稱要等公司安排，但問到有關朱晨麗與洪永城因不和而無望合作，變相續集肯定會有人出局，至於會犧牲那一個？陳寶華笑說：「我都有同佢兩個傾過呢件事，我話你哋搞到咁樣，如果開續集咁點呢？可能要交畀觀眾投票決定！」又坦言兩個演員都錫：「佢哋都好投入，見佢哋演得咁煙靭，之後又冇人同我投訴，咪以為冇事……其實佢兩個演出，大家好鍾意睇，如果因為咁而有心病係好可惜。我有叫佢哋唔好放上心，女嘅可能唔識講說話，男嘅咁樣畀人話又唔開心，所以我都有鼓勵洪永城，我叫佢當得啖笑！」
至於劇中演朱晨麗媽媽的黎燕珊，有可能因劇情改寫而影響演出，她回應指：「演員係被動嘅，角色後續就交返畀公司決定（知道朱朱同洪永城唔咬弦到唔可以合作？）其實好少事啫！但就不便畀意見！」
來源 source: http://hk.on.cc
|
鍾意就快D Share啦！
|
|
|