天后鄭秀文（Sammi）今年憑《花椒之味》和《聖荷西謀殺案》兩部電影，同時入圍「第39屆香港電影金像獎」的「最佳女主角」。今次是Sammi第六度提名角逐金像獎影后，自己撼自己，同時亦可說是有5分之2的機會。賽前外界有不少揣測，更視Sammi是今屆影后大熱門，至於Sammi又有何看法？她在金像獎網上公佈結果前夕，先跟《蘋果》分享一下她此刻的候選心情。
今年2月香港電影金像獎因疫情影響，有別於以往開記者會，改成網上宣佈入圍名單，是Sammi繼2002年有三部電影同時入圍角逐影后之後，再次獲得多過一個提名爭后冠。早前Sammi接受《蘋果》訪問，對於有兩片入圍，Sammi坦言︰「當我知道有呢兩部戲嘅角色同時入圍，有啲驚喜，同埋較特別嘅地方，《聖》片未正式公演，但呢個角色得到評判嘅垂青，畀我能夠入圍，好多謝各位，亦恭喜呢兩部戲嘅幕後團隊嘅努力得到認同。」
對於《花》片共有11項提名，作為演員的她坦言十分鼓舞，回想該片幾乎夭折，Sammi說︰「絕對係，《花》片能夠有11項提名，係我自己覺得最感動，對整個團隊同每位參與嘅工作人員係好大嘅鼓舞及認同。尤其是呢部戲籌備到開拍，以至完成到上映，好多曲折離奇嘅故事，有好多moment呢部戲係咪可以繼續落去，可唔可以公映到呢？得到11項提名對團隊係一件開心事。」
對於《花》片和《聖》片，兩部戲的角色有別於Sammi以往所演，問她較喜歡哪一個角色？她說︰「你問我，我自己都揀唔到，因為兩個角色係截然不同嘅演出。《花椒之味》嘅角色係內斂啲，演出上比較細緻，我係收住去做，而唔係成個人放住去做，正正就係呢個角色好睇嘅地方。至於《聖荷西謀殺案》嘅角色，可以話係立體、多面向，本身呢個角色好複雜，思想上有好多陰沉而不為人知，呢個角色大家見到我陰沉嘅一面嘅地方，喺我過往電影中，我係未做過呢類角色，所以拍攝過程，發掘到自己另一面。最可貴拍完呢兩部戲，令我明白演戲收同放嘅平衡，演戲唔係一味放就係好，喺啱嘅地方收住去做，有意想不到嘅效果，拍完呢兩部戲我得益好多。」
今次Sammi有兩片入圍，既是有5分之2的機會，但同時亦會令她的票數分薄，對此Sammi表示︰「對呢方面我真係冇特別睇法，因為呢個係金像獎嘅機制。」問她會看好《花》片還是《聖》片有機會勝出？她說︰「沒有估計，亦唔想去估計。」至於今次是Sammi第六度入圍角逐影后，之前都是擦身而過，問她今次可有信心？她笑言︰「今年我有兩部戲提名最佳女主角，我參與嘅電影有份角逐最佳電影，同埋最佳電影原創歌曲，哈哈哈，好似有好多粒種子，邊粒種子會發芽，我自己都唔知，亦唔想估計，帶住平常心去接受賽果。」
問她可有看其他對手的電影？她說︰「暫時我只睇過《少年的你》，我對呢部戲好鍾意。同埋男、女主角演出非常之好，我直情被佢哋嘅演出深深感動，好動人心弦，導演又好優秀，劇本我又好喜歡。其他戲我未有機會睇，不過聽好多同業都話係好優秀嘅電影作品，好多演員嘅演出好有光芒。」
其實Sammi多年來跟金像獎甚有淵源，除了六度入圍「最佳女主角」外，同時亦是入圍「最佳原創電影歌曲」的常客，而她早年曾擔任金像獎頒獎禮的司儀。不過今年的金像獎因疫情影響，取消實體頒獎禮，對今年沒機會穿靚衫行紅地毯，會否感到可惜？Sammi笑稱︰「絕對唔會，坦白講咁多年行紅地毯，其實自己係好怕行紅地毯，對我嚟講唔係一個遺憾。」至於5月6日Sammi會否安在家中，看大會的直播公佈得獎名單？她調皮的說︰「哈哈！其實真係未諗，未知數呀，唔知。」
最佳女主角入圍名單︰
蔡思韵《幻愛》
鄭秀文《花椒之味》
鄭秀文《聖荷西謀殺案》
周冬雨《少年的你》
鄧麗欣《金都》
撰文︰羅婉玲
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
