掃呢頁CODE去手機

2020年5月3日 星期日

【金像獎女主角篇】蔡思韵入圍當贏 分飾兩角應獲兩個提名 #蔡思韵 #金像獎

蔡思韵(Cecilia)憑周冠威導演的電影《幻愛》獲今屆金像獎最佳女主角提名。戲中一人分飾兩個角色,一個性格堅毅滿有機心,另一個是溫柔婉約的鄰家女孩, ...






蔡思韵(Cecilia)憑周冠威導演的電影《幻愛》獲今屆金像獎最佳女主角提名。戲中一人分飾兩個角色,一個性格堅毅滿有機心,另一個是溫柔婉約的鄰家女孩,性格迥異,她笑言應該有兩個提名︰「戲入面演兩個角色,性格都好唔同,演緊兩個唔同層次、唔同個性,表裏不一。有一場情緒爆發嘅戲,為咗重現情緒高度,要一鏡到底。前後總共NG咗廿幾次,不斷NG每次都要重現返情緒高度,有啲難。最難唔係普通嗌交,好憎你趕你走,係好憎自己,憎到想傷害自己,20幾個takes都係咁,精神同肉體上嘅攰,好似喪屍咁。呢場戲完成之後,要即返屋企瞓覺。」

作為新人第一次參加金像獎,可惜實體頒獎禮因為疫情而要39年來首次停辦,失望是預期之內,她說︰「當然有失望,期望自己着得好靚行紅地毯,有現場觀眾可以感受到氣氛。不過喺疫情下當然會理解。」Cecilia幻想上台攞獎講感言時,一定會喊︰「首先要扮鎮定,攞獎真係會喊。會多謝喺大大小小嘅事情上幫助我嘅人。」香港觀眾因為ViuTV劇集《短暫的婚姻》開始認識Cecilia,去年她在台灣電影《返校》中演老師,再到今年《幻愛》分飾兩角,兩齣電影的分別在於戲份,她說︰「《幻愛》可以畀更多朋友認識我之餘,可以睇到我嘅表演。始終擔任主角,會有多啲戲份同發揮。」

電影業正處於冬眠期,Cecilia往好方面想,未覺是最壞時代︰「以前電影最黃金時代,主角都要畀大明星。作為新演員,可以喺《幻愛》做到女主角咁有發揮,就係因為呢個時代,先有呢啲機會。心目中嘅大明星會係周迅、張曼玉、舒淇、章子怡,唔一定好典型靚女,要喺電影有一種吸引力,當然係佢哋表演令我好感動。」男朋友兼《幻愛》男主角劉俊謙獲提名新演員,導演周冠威獲提名最佳導演,夾在中間的Cecilia笑言最理想是雙贏,假如要二取其一,她會「幫理不幫親」偏心導演攞獎,她解釋︰「導演係一部作品嘅頭,所有嘢都關佢事,作為演員都係導演帶領,就算我同劉俊謙表現俾人讚賞,都係導演功勞,所以會揀導演。」

最佳女主角入圍名單︰

蔡思韵《幻愛》

鄭秀文《花椒之味》

鄭秀文《聖荷西謀殺案》

周冬雨《少年的你》

鄧麗欣《金都》

採訪︰何永寧

攝影︰沈健程

梳頭︰Lupuschui@orient4

化妝︰ShuenKong@WiLLWong

服裝提供︰Versace & Fendi

-----------------------------

App內1-Click訂閱《蘋果動新聞》

按此了解更多

憑《返校》為人認識。


能夠入圍已經當贏。


Cecilia偏心導演周冠威羸獎。


有場情緒爆發戲,令Cecilia拍完變喪屍。


頒獎禮因疫情取消,對首次入圍的Cecilia自然會失望。


Cecilia在《幻愛》中一人分飾兩角。



鍾意就快D Share啦!