掃呢頁CODE去手機

2020年5月3日 星期日

【黃店黃金周】Regen懶理中聯辦批評經濟圈:你都可以撐藍店㗎 #Regen

反送中運動衍生的「黃色經濟圈」,呼籲港人撐港店,藝人徐天佑、吳日言、袁彌明等黃店老闆也表明支持。疫情雖未消失,不過食着「五一」黃金周長假期的勢,香港人 ...






反送中運動衍生的「黃色經濟圈」,呼籲港人撐港店,藝人徐天佑、吳日言、袁彌明等黃店老闆也表明支持。疫情雖未消失,不過食着「五一」黃金周長假期的勢,香港人願意跟着經濟圈消費,有黃店的生意額上升,令人鼓舞。昨日是長假期的第3天,歌手張惠雅(Regen)2年前投資、位於大角咀的餐廳晚市全場爆滿,Regen說:「好彩呢幾日零確診同黃金周,大家消費慾強咗,生意好咗好多,前排真係好靜,跌咗一半生意,大家都擔心,壓力好大,而家喺禮拜六都cut咗,只做晚市,希望疫情過咗會好,捱得過呢關。」

不過「黃色經濟圈」卻驚動了中聯辦,昨天發文直斥「是一種政治綁架經濟的政治攬炒」,Regen則認為多餘,她說:「我哋又唔係做啲乜嘢犯法嘅嘢,我哋只係想幫襯返自己想食、鍾意嘅嘢啫,點解係攬炒呢?你都可以撐藍店㗎,所以我覺得多餘啦。」

Regen謂會繼續支持黃色經濟圈,並正跟林師傑、歐陽巧瑩兩公婆,到處尋找為黃色小店製片宣傳,她對未來仍然有信心,Regen說:「有啲朋友開啲小店,宣傳上都要做多少少嘢,為黃色經濟圈做返啲嘢,杜汶澤做嘅《yellopenrice》我集集都有睇晒,我都有計劃會拍片介紹唔同黃色小店,因為小店更需要大家留意。我哋俾人壓榨咗咁耐,個圈有得擴大緊係想擴大,周圍都咁貴租,香港人應該自發去救返香港人嘅生活所需,我覺得呢排係舒服咗,因為少咗好多自遊行,有機會見返多啲小店,唔會剩係藥房同賣金。」

Regen正趁着疫情的空閒時間,構思未來大計:「音樂方面都冇乜點樣想做歌住,呢個時間都冇乜心情,好想快啲完疫情後,五大訴求得到回應,好肯定疫情後大家會走返出嚟。」

採訪:栐仁

攝影:陳俊強

-----------------------------

App內1-Click訂閱《蘋果動新聞》

按此了解更多

歌手張惠雅(Regen)2年前投資、位於大角咀的餐廳晚市全場爆滿。


Regen說:「好彩呢幾日零確診同黃金周,大家消費慾強咗。」


中聯辦發文斥黃圈,Regen則認為多餘:「你都可以撐藍店㗎。」


Regen謂會繼續支持黃色經濟圈,並打算為黃色小店製片宣傳。



鍾意就快D Share啦!