演「惡妻」抽離唔到拒老公探班 苟芸慧：唔好再喺我工作位置出現
苟芸慧（苟姑娘）自2018年嫁陸漢洋後，鮮有在熒幕出現，今次在無線劇《飛虎之雷霆極戰》中飾演馬國明（馬明）太太「殷婷」一角，不僅是婚後首套參與的香港劇集，亦是相隔4年首次重返香港熒幕的作品，難怪苟姑娘大叫緊張。
劇中，苟姑娘飾演一名惹笑「惡妻」，有不少「鬧爆」老公馬明的鏡頭。苟姑娘笑說：「有次好搞笑，有日馬明突然同我講『苟姑娘，原來我哋有場床戲』，我話我睇過劇本唔係咁樣，後來先發現，馬明講嘅床戲，係坐喺床傾傾偈嘅戲份，同佢合作過，先知馬明原來都好似小朋友，有天真嘅一面。」
提到演「惡妻」，苟姑娘指現實生活中，她對着老公亦有「惡」的一面，她說：「佢（老公）有反映過我拍呢套劇時，個人特別惡，可能我唔覺意將角色嘅性格帶埋返屋企，但我覺得佢應該接受到，喺鬧嘅過程，表達到我嘅想法，我估佢都鍾意嘅。」
苟姑娘還爆料老公試過到場探班：「佢（老公）話咁啱喺附近工作，之後就愛的迫降咁空降拍攝現場，我返到屋企同佢反映，唔好再喺我工作位置出現，咁樣會令我分心，好似成日有對眼望住我咁，好唔自在，不過佢就話嗰次係嚟睇馬明，仲話馬明係佢偶像。」
來源 source: http://hd.stheadline.com
|
鍾意就快D Share啦！
|
|
|