如何介紹這一天的水着女模？提起她的名字許珮榆（Diva Catalina），相信大家也未必想得出，不過一提到前年跟「大劉」劉鑾雄在商場因電梯玩手機一事引起爭執那位，大家必定想起來了吧！
Diva Cat在經歷此事後足足「潛水」兩年，原來她轉戰大陸，因為爭執事件令她聲名大噪，她更深信爭執後才是自己大運的開始，Diva Cat近年努力學習術數，並改名催運，她說：「之前返大陸登台兩年，最近香港發生好多事，冇得周圍走，學咗好多嘢，好似玄學風水，甚至拍啲短片。玄學一路都有學，而家日日都溫書，溫到失眠，好多朋友都話我好準，我有算到自己就會越嚟越好運，加上貓係好旺我，所以個名會有個Cat，我計過會搵到好多錢，名氣更加大。」因為自小入行， Diva Cat希望未來會繼續幕前工作，又可以替人算命看風水，自言sell的是笑容、性感兼靚女。
避走大陸兩年，是否為了大劉事件？Diva Cat說：「其實我一路都有登台嘅，同大劉先生嗰件事都冇影響我啲事業嘅，佢冇話打我嘅，但係太多人嘅說話，變得好嚴重，反而之後我過得好好，又搵到錢，其實我唔係啲咁麻煩嘅人，只不過衰在成個阿婆咁鍾意講道理。都有因為呢件事多人識咗、搵多咗錢，不過唔想人覺得我攞呢件事嚟炒作，基本上喺條街上啲人見到我，都會講起呢件事。其實當時係我人生轉運嘅一個轉捩點，會發生一啲突發嘅事，之後就行好運嘞！」
被大劉形容為「整容怪物」，Diva Cat曾經為此不開心，但自認有打針「微調」的她，現時已放低執着，就算大家嘲笑她是打針怪也毫不介意，她說：「其實話我整容嗰啲相，係我13、14歲，做show girl啲相，我而家都29，10幾年前個樣梗係有唔同，我係有打針，仲打好多添！但整容係用刀同塞假體，當時我先至同佢（大劉）嗌，因為我真係嬲，你可以話我打針打到醜八怪，但唔好話我整，不過我而家唔會執着，你話我整就整我一直都有打針，因為都想靚啲嘛，女人係貪靚，想更完美。」
許珮榆Profile
年齡：29歲
三圍：35D、25、35
入行經過：一半葡萄牙、一半新疆血統，2009年拍攝青春劇《四葉草-南華夢飛翔》出道，之後成為施念慈旗下藝人成為模，2013年推出過寫真，2016參加ViuTV美選DNA，可惜十強止步，事業也一直未見起色。
採訪：羅慧敏
攝錄：廖達燊
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|