失咗聲都要唱！
近年於內地發展的藝人張栢芝，日前到廣州登台，有傳收近百萬酬勞唱2首歌，但當晚卻不幸失聲，令表現失準。佢一出場即表明：「我會盡全力表現，因為其實我失咗聲，但失聲唔係一個理由，就算真係唱唔到，都會將整首歌表演給大家。」
其後佢獻唱代表作《星語心願》時，初時因技術問題出現咪嘴情況，及後以真聲演出，即全程沙聲兼頻頻走音，之後再翻唱《留給最愛的說話》，更力竭聲嘶兼破音，令佢急急同大家致歉：「唔好意思真係好失聲，雖然真係唱到好難聽，但我都會盡全力。」完成演出後，佢亦尷尬表示：「我都忍唔住想笑。」其走音片段隨即於網上瘋傳，但亦有唔少網民大讚佢專業，即使失聲都唔失場。
來源 source: http://hk.on.cc
|
鍾意就快D Share啦！
|
|
|
