蘇慧恩及梓俊正努力籌劃下年在主題公園舉辦的《一心為您慈善演唱會》，為獨居長者籌款。
歌手蘇慧恩（Ophelia）及梓俊（Taddy）喺年尾努力籌劃下年在主題公園舉辦的《一心為您慈善演唱會》，為了獨居長者籌款，兩人希望社會各界多多關注獨居老人的問題。好有心嘅梓俊說：「疫情已經持續咗一整年，大部份嘅公開活動都被迫延期，過往有好多慈善活動都會邀請老人家參與，但因為疫情，老人家都只能夠安在家中渡過疫情，甚少出街，希望下年呢個音樂會可以順利舉行，帶俾老人家一個快樂嘅晚上。」
對於此次音樂會，蘇慧恩亦覺得十分有意義︰「自己一向有參與唔同嘅長者義工活動，例如派抗疫用品、節日探訪等等，而今次有機會參與音樂會，都會選擇一啲適合長者聽嘅歌，並同梓俊合唱， 希望長者們會有共鳴！」
即將達入2021年，蘇慧恩及梓俊對來年的展望亦都希望能夠達成。蘇慧恩︰「2021年希望疫情快啲過去，演藝事業工作能夠回復正常，亦寄望2021年能夠喺書展及寵物展推出慈善寵物書，令大家多啲關注流浪貓及流浪狗。」梓俊︰「新一年希望疫情快啲過去，下年嘅計劃例如電影、舞台劇，以及將會舉辦嘅慈善音樂會等等都能夠順利舉行，同埋自己能夠推出新歌，向音樂路進發。」
來源 source: http://eastweek.my-magazine.me
|
鍾意就快D Share啦！
|
|
|
