【《造星III》決賽花絮】粉絲拎燈牌撐場被嚇親 Zeno感動：我令你哋覺得冇揀錯
Zeno（顧定軒）自從參加《造星III》及同時間播出主演的《男排女將》令人氣急升，這晚他出席決賽夜時，本來帶住輕鬆心情參與，但估不到一班粉絲親自到場支持，令他大為感動，仲好可愛話被嚇親，因冇諗過粉絲會拎燈牌，仲話會用好作品令粉絲覺得冇揀錯。採訪：杜淑霞、廖思慧
Zeno這晚雖然有份上台跟50強參賽者一齊演繹主題曲《前傳》，但坦承心情跟以往演出節目好唔同，「嚟到依度有啲感動，綵排嘅時候我哋再跳番《前傳》，好似經歷番一次每一round咁好感動！不過可以輕鬆去睇騷，心情係輕鬆又開心嘅。」
10強止步的Zeno，對於自己並非主角，仍有超過30名粉絲到場支持表現得相當驚喜，「我係嚇親呀！咁啱出到去，佢哋準備咗驚喜畀我，佢哋集合咗一班人，我最嚇親係我有燈牌呀！我冇諗過。我見到好多媽媽陪埋囡囡一齊嚟，我真係冇諗過，雖然今日自己唔係喺台上面，唔可以行到最後，但喺度畀大家認識到我，有佢哋支持，之後嘅路就繼續努力行落去。」大為感動的Zeno再有情深說明同粉絲講：「未來仲係好遠，我係會繼續好勇敢咁樣行落去，希望嚟緊可以做多啲好嘅作品畀大家見到我，我會令你哋覺得冇揀錯我！」
來源 source: http://hd.stheadline.com
|
鍾意就快D Share啦！
|
|
|
