恭喜晒！
電台DJ兼旅遊達人謝茜嘉，最近激罕喺社交網放閃，上載與一男子行山相，兩人Sweet爆對望，一睇就知係情人關係！雖然佢只留言：「一場嚟到，影張囉。」不過已引來一大班圈中人包括連詩雅、周柏豪、許廷鏗等派心心讚好！據知，原來男友已向佢求婚成功，恭喜晒！
男友係摩洛哥人，係上年謝茜嘉去當地旅遊認識嘅導遊，兩人擦出愛火花發展異地戀，男友仲喺疫情下排除萬難來港向佢求婚，謝茜嘉終於脫離「盛女」行列，唔止做摩洛哥新娘，仲會離開電台移民當地，兩公婆拍住上搞生意！而最近佢忙緊準備明年1月1日舉行嘅頒獎禮，婚禮將於頒獎禮後先舉行。
現年43歲嘅謝茜嘉原名何紀秋，喜愛旅遊，係電台主持及高層，曾為無綫拍攝旅遊特輯《愛在斐濟Bula時》、《茜嘉團遊印度》等，與周國賢、洪卓立及C AllStar等歌手同行，早年更喺台灣宜蘭搞民宿！
來源 source: http://hk.on.cc
|
鍾意就快D Share啦！
|
|
|
