獨家丨肥媽拒提名孫女選港姐 18歲二孫女擁火辣身材被指撞樣甄妮
68歲肥媽（Maria Cordero）兒孫滿堂，好有福氣。早前大孫女Soufia返港，在肥媽的Youtube頻道亮相後，即被讚靚女，還有人建議她參加香港小姐。日前二孫女Zamara又趁暑假來港，肥媽今趟帶住兩個孫女一齊去飲茶，寫着：「另外一個孫女Zamara都飛咗返嚟，一返嚟第一件事都係話要飲茶，因為好耐未飲過茶，所以今日一齊嚟再去飲茶，Zamara留幾日好快就要走了。」甜到入心的肥媽被取笑：「糖尿飆升！」
古銅肌膚最吸睛
片中見兩個孫女穿上白色衫配古銅膚色，望落去特別醒神，一左一右伴住肥媽，負責拍片的黑妹姐笑言好似自己後生的小野貓造型。肥媽透露孫女Soufia和Zamara的乳名，說：「Zamara叫節瓜，細個肥到啲肉要拮入去先拮到，肥到一節一節，而家好瘦。而Soufia就叫攣毛。」上次提到Soufia有兩年沒有返香港，而Zamara則有一年半，但因疫情要隔離，Zamara只有9日時間陪肥媽，兩嫲孫都表示會好好珍惜。
不少網民大讚兩位孫女省鏡：「超級靚，笑容非常甜美」、「廣東話又講得咁好，人又乖巧，絕對可選香港小姐有餘」，更有人覺得二孫女Zamara好似「甄妮」。Zamara的個性似乎較開朗好動，在她的社交平台上有不少派對玩樂相，還有性感泳裝照，大騷火辣辣fit爆身材。
肥媽年輕時被叫參加工展小姐
肥媽曾提名契女謝嘉怡參選港姐，最後更奪得2020年港姐冠軍。對於孫女被叫參選港姐，肥媽昨日（21日）回覆《星島頭條》，透露大孫女今年20歲Soufia，而二孫女Zamara今年18歲，但肥媽就拒絕做孫女提名人，她以短訊回覆：「呢幾日都好多人問我呀，我不會提名她們參加香港小姐，😂😂😂因為一個想做醫生，一個想做心理醫生，佢哋自己揀啦，如果佢哋想參加香港小姐讓別人提名，😂😂我不會」。問到是否有她當年風采？她笑說：「😂😂我當年被人叫我參加工展小姐，我阿媽搵木屐去釘人，啲後生梗係好過我哋當年啦😂。」
立即下載 | 全新《星島頭條》APP : https://bit.ly/3yLrgYZ
|
鍾意就快D Share啦！
|
|
|
