柬埔寨、泰國等地「賣豬仔」騙案愈揭愈多，搞到全城人心惶惶，原來早前婚後首次去到泰國旅行嘅「3日2夜」女神陳詩欣，都曾喺當地收到「打工」訊息，嚇得膽顫心驚！現時佢已由泰國回港，趁隔離期間同粉絲分享旅行時嘅經歷，大爆被邀約「打工」，訊息中寫明：「看到您在泰國曼谷，有沒有興趣在泰國曼谷打工....或是有客人想去消費也可以介紹給我的，謝謝！」明顯有關注其社交網繼而埋手，令佢都刻意延遲上載照片，免得行蹤曝光：「其實我本身不擔心，但在泰國睇到香港嘅新聞，我開始有少少擔心，加上見到呢個dm，所以我唔敢去到邊都即時打卡，寧願Latergram（延遲發布）。」
另外，佢又指原來初到泰國已「出事」，身體不適急送院：「忘事就是我在曼谷急性腸胃炎，所以去咗醫院急症，由day 1開始屙到day4，終於受不了，最後去了距離酒店5分鐘的醫院。收到張單嚇親8000泰銖，大概2000多元港幣。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
