歌手林家謙昨晚（20日）第二場，邀請自細偶像陳奕迅（Eason）任嘉賓，Eason一出場，即炸裂紅館，歡呼聲掌聲大到蓋過唱歌聲，家謙都因為太興奮覺得自己唱唔夠完美，最終有福的是觀眾，《致明日的舞》合唱唱了兩次，最後Eason突然又再送多首獨唱《今日》給家謙，家謙被感動到閃着淚光眼極紅，觀眾亦不少被打動，跟着家謙兩行淚眼。
九年沒有登上紅館舞台的Eason，昨晚一身粉紅色，配上圓形眼鏡出現，先出場跟家謙合唱《致明日的舞》，之後他笑問家謙：「我呢個look正唔正？陳家謙呀。我特登搵個眼鏡跟你㗎！」接着他指自己於台底等待時，聽到家謙唱到有點咽哽：「你差啲搞喊埋我呀。真係好感動。」由於觀眾歡呼聲未曾停過，Eason也忍不住跟觀眾說：「你哋好正！」又即迎來巨浪歡呼。
接着他跟家謙說：「其實係好多個月之前，你邀請我做你嘉賓，你一問我，我個心已經yes啦。林家謙係一個好值得大家錫嘅人，單係佢音樂已經散播緊一種治愈。我第一次聽你係《下一位前度》，尤其塞車嗰陣聽，真係可以降燥。」由於家謙一直冇咩出聲，所以Eason又笑話：「我知你係怕羞草....」家謙說：「唔係呀....我唔覺得係.....」Eason說：「我知呀，你個心底裏面都賤賤地....」全場大笑歡呼，Eason續說：「我哋大家都係St.Jo仔，係咁上下，少少百厭囉...哈哈哈。」
接着家謙話自己剛剛因為太緊張，所以唱得麻麻，沒料到Eason即鼓勵他：「你想點呀？live嘛！係咁㗎喎！你已經做得好好第一次做喎！六場喎阿哥！我第一次都係四場咋！會愈來愈好，唔使擔心！」觀眾立時歡呼聲又再四起，Eason玩得開心更停不了：「唔啱再唱多次囉！」重搞怪扮fast foward倒轉行番原位，紅館再次發出核爆歡呼聲、掌聲，兩人又再重唱多一次《致明日的舞》，開心到觀眾飛起。
唱完之後，Eason叫家謙坐下，話有禮物送給他，家謙非常驚訝，擘大口得個窿不懂反應，乖乖坐在台上，Eason說：「佢真係唔知㗎！以下呢首歌！我送畀你，送埋畀現場大家！」《今日》一曲前奏響起，全場即炸裂即興奮狂叫，家謙更感動得紅眼通紅，閃着淚光，變回一個小粉絲，坐於紅館台上聽偶像唱歌。
昨晚家謙還有林欣彤及組合C AllStar任嘉賓，林欣彤話：「林家謙我喺台下面聽《下一位前度》聽到喊呀！你今日行到上紅館，咁多人愛你，大家覺得林家謙值唔值得呀？」全場大叫：「值得！」她直言很感謝家謙為自己寫了《林中鳥》一曲，每次獻唱都感到自己變得愈來愈巨大，然後問家謙：「你可唔可以同我一齊變大呀今次？」家謙笑問：「邊度？變大？」接着兩人蹲下來扮升降台旋轉上升，起歌！C AllStar跟林家謙合唱《留下來的人》及《沒明日的恐懼》，C AllStar說：「唔知點解覺得林家謙係好需要保護，上到台就好自然想拖住佢。此外昨晚有謝安琪、徐濠縈、方皓玟、岑寧兒、小塵埃，蘇麗珊等來有捧場。
今日（21日）下午一點，林家謙又再化身林+場，發放新海報，上面有句歌詞：「就算此時離了座 定有一個未來 能伴著過」公佈令人振奮消息，加開一場27/8（Sat）一場，演唱會總監馮貽柏表示今次「安歌」加場， 大家星期一將會見到一個「充滿希望座位表」！九成門票全部公開發售！祝福真正歌迷都可以撲到飛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
