2014年11月27日 星期四

[壹週刊 - 1290] 無心戀戰  Eason祖兒棄權 許志安謝安琪頒獎禮玩晒 許志安,陳奕迅,Eason,容祖兒,祖兒,謝安琪,安仔,M1,




冇對手!(設計對白)

探熱針

無心戀戰  Eason祖兒棄權 許志安謝安琪頒獎禮玩晒

年尾樂壇頒獎禮就到,據知,多年來都是大贏家的 Eason今年將會不出席任何頒獎禮外,容祖兒、李克勤等亦罷玩。天王天后缺席,各電台只好推許志安、謝安琪、王菀之及張敬軒等人補上,退而求其次。

唔玩喇!(設計對白)

Eason與祖兒罷玩頒獎禮,安仔謝安琪成直接得益者。

冇對手冇癮

今年初在叱咤奪五獎,成為叱咤男歌手金獎十連霸的 Eason陳奕迅,因為在台上演出時要用手機睇歌詞,表現失準黑面發脾氣,更用留班來形容自己。新年度的頒獎禮即將開始, Eason將不會參與任何一個頒獎禮。

「 Eason都玩咗咁多年,以前就話仲有古巨基、許志安、李克勤,但而家樂壇好似冇晒人咁,成個氣氛都唔同晒,就算佢再攞獎,都冇意思, Eason自己知自己事,唔想又好似年頭喺叱咤發自己脾氣,加上今年主力做巡迴演唱會,所以一早同公司講好咗,唔會參加任何頒獎禮。」知情者說。

克勤今年只有一首《無朋友》,雖然首歌大熱,但他不會參加頒獎禮。

今年 1月 1日的叱咤頒獎禮, Eason是大贏家,但他因沒對手而感不悅,並將獎座亂放而令它跌落地,很不尊重。

11月初舉行的新城勁爆頒獎禮記者會,已率先頒了獎給安仔、 Kay及張敬軒,提前頒獎催谷人氣,是新城策略之一。

千嬅因為將於明年 1月舉行演唱會,所以她不會出席全部頒獎禮,只有機會的是出席商台叱咤頒獎禮。

唔使俾面大台

軒仔和王菀芝今年冇乜 hit歌,因為蜀中無大將,所以照樣成為得獎大熱人馬。

Eason休戰,據知,和他分屬老友的容祖兒亦決定唔玩。

「對祖兒嚟講,樂壇頒獎禮只係公事,已經冇咗要爭要贏心態,咁多年來來去去都係同千嬅爭,要贏已經贏夠,加上英皇同 TVB關係唔再同以前一樣,大家都唔使俾面對方,攞唔攞最受歡迎女歌手已經唔重要,反正小圈子遊戲,唔係損失。

「其實唔只 Eason、祖兒,李克勤都話唔玩,佢個心態已經唔同晒,返內地搵錢,有時間陪吓兩個仔同老婆。至於楊千嬅都應該只係去叱咤,佢係『我最喜愛女歌手』大熱,同商台關係又好,點都有啲情意結。」

先頒獎煲人氣

大星紛紛打退堂鼓,各家電台唯有各出奇謀,搵二線歌手頂上。

「商台、新城同港台開頒獎禮記者會,基本上冇一個天王天后撐場,最大粒已經係許志安!新城喺記者會上率先頒咗幾個大獎,張敬軒嘅《青春常駐》攞「最欣賞歌曲」獎,謝安琪新專輯《 Continue》得「勁爆年度專輯」,至於許志安首《流淚行勝利道》就係「勁爆年度歌曲大獎」,目的都係想煲人氣,唔使到時冇咗 Eason、祖兒就好似冇人咁。商台就煲安仔、王菀之同周柏豪,港台都係煲軒仔、安仔同阿 Kay,今年頒獎禮,來來去去呢幾個玩晒。」知情者說。

老公張繼聰成了 TVB的新寵兒, Kay也即將參與拍攝 TVB劇集,因而令 Kay成為最受歡迎女歌手大獎人選。

港台的十大中文金曲頒獎禮記招上,找來校長譚詠麟坐鎮,軒仔及 Kay則站在他身旁,可見兩人地位不輕。

環球新人 AGA的《一》唱得街知巷聞,與 Gin Lee合作《一加一》令歌曲成績再下一城,所以得到新城頒「最高播放指數」獎。

許廷鏗與鄭俊弘同屬星煥旗下,必定是 TVB頒獎禮的大熱得獎者。

何韻詩今年沒有太多時間做音樂,所以索性缺席。

長勝冇癮

過去十年,樂壇都是 Eason、容祖兒玩晒,兩人雖然破了不少樂壇紀錄,但一加一等於二的遊戲,早已令頒獎禮毫無氣氛,天王天后冇癮,獎都唔攞,今年齊齊罷玩。

Eason

商台:連續 10年奪得叱咤男歌手金獎

港台: 9屆優秀流行男歌手獎

TVB:兩屆最受歡迎男歌手

祖兒

商台:連續 9年奪得叱咤女歌手金獎

港台: 10屆優秀流行女歌手獎

TVB: 9屆最受歡迎女歌手



鍾意就快D Share啦!
Related Posts Plugin for WordPress, Blogger...