掃呢頁CODE去手機

2014年11月27日 星期四

[壹週刊 - 1290] 陳智燊買三千八多士爐 宋熙年真識揀 宋熙年,陳智燊,M1,




見到《壹》仔,陳智燊笑晒揮手,好 nice。

同你吟一吟

陳智燊買三千八多士爐 宋熙年真識揀

陳智燊同宋熙年呢一對,今年八月終於認拍拖,公開情侶關係;為咗咬實筍盤,趕走男友身邊班浪蝶,宋熙年索性搬去陳智燊將軍澳寓所同居,人釘人。

無論女友睇得幾緊,陳智燊都話對方值 100分,仲計劃三年內儲夠錢娶佢做老婆。唔單只開出期票,就連買個多士爐同女友一齊歎早餐,陳智燊都要買貴價貨。

上個禮拜四(十一月二十日)陳智燊去咗中環太子大廈 ALESSI買家品,純銀匙羮、牛油刀、咖啡杯樣樣買,再買咗個價值三千八百幾蚊嘅意大利 design多士爐,撐枱腳食早餐,一流!

《壹》仔問陳智燊係咪經常同女友煮飯仔,佢怕怕醜醜咁話:「間唔中」但其實三千八,同三百八嘅多士爐,都係咁用啫,食多士都咁落本,唔怪之得陳智燊要儲多三年錢,先可以娶老婆

攞住個大袋出門口,戰利品包括一個差不多四千蚊嘅多士爐,用佢嚟整多士,會好味啲咩?

今年 8月宋熙年生日,响微博公開佢同陳智燊嘅親密合照,將地下情公開。

咖啡杯

匙羮

牛油刀

淨係把牛油刀,都要接近五百蚊,陳智燊 check真啲!



鍾意就快D Share啦!