掃呢頁CODE去手機

2014年11月27日 星期四

[壹週刊 - 1290] 趕絕婷婷 安志杰暗角速啜 Jessica C 安志杰,Jessica,Jessica C,婷婷,M1,




探熱針

趕絕婷婷 安志杰暗角速啜 Jessica C

「警鐘胸」 Jessica C( JC)同安志杰日前宣布拍拖,但兩人感情高速發展,過夜甜蜜蜜。上星期六(十一月二十二日),兩人拍拖漏夜坐船過澳門睇拳賽,對住擁有警鐘胸的女友,安志杰根本忍唔住,捉實 JC匿埋暗角位速啜,熱戀果然特別肉緊。

無時無刻都要見住女友,安志杰唔怕受縛主動要求同居,向 JC證明,絕不會翻撻舊愛謝婷婷。

情到濃時

宣布同 Jessica C的戀情翌日,安志杰的舊愛謝婷婷被男友戴尚安狠飛。分手仍是朋友,據知安志杰和謝婷婷分手後,仍經常互通愛貓 Bruceleelee近況,男友和前度唔可以一刀切,新任「安嫂」 JC更加不能掉以輕心,防範失戀謝婷婷任何翻啅安志杰的機會。

明知男友鍾意睇拳賽,配合搏加分的 JC,上星期六(十一月二十二日)晚做完活動,十一點趕去上環港澳碼頭,會合安志杰搭夜船過澳門睇比賽。兩人均由助手陪同,刻意分頭入閘,話過見少陣都會好掛住男友的 JC,一過完海關,便馬上和男友黐番實,安志杰還拉實 JC,走到暗角位談心。

摸黑調情, JC不時做出古靈精怪樣氹男友開心,見女友咁 high,安志杰含情脈脈望住對方,再一啖啜落 JC肉嘴上。浪漫一刻點知突然有人唔通氣,行過仲要唔願走望多兩眼,搞到安志杰唔敢再有進一步行動。

去到澳門,一落船安志杰要煲煙,男友要行開陣, JC露出不捨神情,更摸了男友面珠一下,相當

痴纏。

星期日早上, JC同安志杰拍拖睇拳賽,兩人還在場內親密影合照。

兩人在暗角位談情,其間安志杰含情脈脈望住 JC。

情不自禁在暗角錫錫,但見有人望到,安志杰即刻縮開。

一落船安志杰就煙癮起,行埋一邊煲煙,臨走前 JC搣了男友面珠一下。

雖然公開戀情,但兩人前往澳門都分開入閘,不過分開期間,兩人不停以電話傳情,傾少陣都唔得。

謝絕家訪

心知 JC對謝婷婷有戒心,安志杰為了令女友放心,拍拖無耐,便要求 JC搬到他的西環寓所,同居做女主人,連同婷婷一齊養的愛貓,都放心交由 JC照顧。

「以前婷婷間唔中會約 Andy(安志杰)睇隻貓,但最近佢話想探貓, Andy都用唔同藉口話唔得閒,淨係 send幾張貓相俾佢睇吓,原來因為有新女。」謝婷婷身邊人說。

安志杰之前同婷婷共同養了一隻貓,因為這隻貓,兩人分手後仍不時會聯絡。

安志杰舊愛婷婷最近被飛,但他怕 JC呷醋,所以沒有安慰婷婷。

JC同安志杰發展迅速,安志杰經常帶女友出席朋友飯局。



鍾意就快D Share啦!