2014年11月27日 星期四

[壹週刊 - 1290] 跟佬冇名份 扣喉變厭食 呂珊一餐嘔 11次 M1,




瘦到似火柴人的呂珊,就算著住有肥胖效果的白褲,還是遮掩不住一雙香雞腳。

娛頭

跟佬冇名份 扣喉變厭食 呂珊一餐嘔 11次

年過半百的呂珊,離奇暴瘦!當事人解釋壓力大以致食量小,但實情是近年因為感情事業自覺不達標,令情緒變得低落;加上早前為保持身材開演唱會,結果因過度減食,由扣喉變成嚴重厭食,放入口的食物近乎完全吐出,可以一餐嘔足十一次。五呎三吋高的呂珊,體重急跌至八十多磅變火柴人。

著兩條褲開工

呂珊拍大台新劇《潮拜武當》期間,被服裝間同事發現她的手腳瘦到皮包骨,為掩飾一雙火柴腳,她著多兩條褲外,亦因大量脫髮,要戴假髮開工。

據了解,早在今年初拍攝《使徒行者》時,同劇的演員已察覺到呂珊食完飯就去洗手間扣喉,食咗等如冇食;近期情況轉趨嚴重,由扣喉變成啜肉汁吐渣,厭食一樣。

「大家初時都唔為意,只係奇怪點解佢每餐食完都搞到成枱紙巾!後來就留意到佢餐餐食飯咬兩啖就扮抹嘴,其實係𦧲番啲渣落紙巾度。佢唔想俾人知食唔落嘢,所以每次都扮大食,食兩個人分量,其實乜都冇落肚。有次呂珊唔覺意,話自己而家得八十幾磅,所以大家都好擔心。」一名無綫幕後人說。

男友環星老闆

上週呂珊出席完活動便會合男友張國林,之後男方有事走先,留下助手陪她下午茶。

有指她拍《使徒行者》時,已開始出現食慾不振,而同劇韓馬利回應她健康問題時只說:「冇留意佢唔想食嘢!」

今年六月,她穿裙露出小腿,同樣瘦得可憐。

80磅香雞腳

偷偷沖走「殘骸」

十一月十六日,呂珊出席電影活動時刻意著條挺身窄腳皮褲,再以及膝長靴,將勁瘦小腿包到冚,由於雙腿太幼,大腿位置,皮褲明顯鬆動。

活動後,呂珊與男助手及外傭到將軍澳一間酒店食下午茶,只見外傭被安排自己坐開一枱,極重階級觀念。下午茶食雞翼、串燒,再加一支白酒。但見呂珊先把枱上一疊紙巾逐張撕開一半,放進口的食物,果然咬幾口就攞起紙巾扮抹嘴,將口中食物吐出包好。呂珊食了一隻雞翼、一片串燒肉和兩塊黃椒,但至少吐渣七、八次;唯一肯吞落肚的,是杯杯清的白酒,以酒代飯。

上週六(二十二日),出席完活動的呂珊再一次三人行到附近醫肚。當日助手點了生蠔,厭食的呂珊想食又食唔落,拿起餐刀在生蠔上撥來撥去,到侍應送上一碟炸薯,呂珊才細啖細啖放入口,但始終沒有將炸薯吞下,同樣𦧲到紙巾裡。前後食了五嚿炸薯,呂珊吐渣十一次有多。

見一枱紙巾,為防俾人發現,其間呂珊一手執起大堆「殘骸」,走去洗手間「毀屍滅跡」,之後又埋位再扮食,行為怪異。

22/11吐不停

對住生蠔,想食但食唔落的呂珊,只不停用把餐刀撥弄。每次進膳,她例必將一堆紙巾放在面前,方便吐渣。

只揀炸薯食的她,吃了五片,不停用紙巾扮抹嘴,把𡁻爛冇吞的食物偷偷吐出來,總共吐了十一口。

怕被助手及侍應發現有厭食,呂珊中途拿走一堆包住殘渣的紙巾到洗手間沖掉。

雖然包到冚,唔想俾人睇到暴瘦的手腳,但她無意中拉起衫袖,即睇到乾瘦下的青筋。

09有肉地

數年前,呂珊有肉地,身材均勻。

男友離婚唔再娶

厭食導致瘦骨嶙峋!事緣由今年初開始,呂珊為了五月的兩場個唱進行減肥,已減到冇乜脂肪的她,仍堅持繼續再減,甚至開完個唱,她仍跟身邊朋友說怕太肥唔健康,要再 keep,病態減上癮,自此飲食失調,引致大量脫髮及暴瘦。

但減肥過度只是導火線,情緒問題才是真兇。縱使其人夫男友、「環星娛樂」老闆張國林終於同老婆離婚,呂珊不用再同人分享,但她仍經常鬱鬱不歡。

「同環星老闆 Colin(張國林)○二年就搞上咗,對方同佢出唱片又幫佢喺紅館開個人演唱會,但對方係已婚仲有兩個仔,呢段婚外情一直唔見得光。直至○七年, Colin終於肯為佢同老婆離婚,兩個就一齊喺炮台山康福台同居。而家佢都五張,見自己咁多年仲未等到個男人肯俾個正式名份佢,呂珊好唔開心,佢覺得因呢段感情,孭住第三者個名,但對方又冇同佢結婚意思,佢過唔到!其實到而家除咗啲好 close嘅朋友同親人,其他佢都唔認。加上覺得自己有料但冇機會,事業同感情都唔合佢要求,屈埋屈埋成日唔開心。」

02年她與有婦之夫的張國林一起,關係不能曝光。直至 07年男方終於離婚,呂珊雖沒因此得名份,但在男友的唱片公司,儼如事頭婆。

16/11食得辛苦

當日食下午茶,她一邊咬雞翼,一邊已紙巾在手準備吐。

每咬幾口就吐出一次。能完全倒落肚的只有酒。

勉強吞到一口,呂珊顯得好辛苦。

年輕的呂珊,有樣有身材,愛晒一雙均勻美腿,嗒得杯落。

呂珊:唔可以開懷咁食

食唔落,加上失眠,近年呂珊更開始借酒消愁,酒後捉住班後生男藝人「談心」發洩,都不願回家陪男友。「珊姐鍾意收工就搵人陪佢去劈,一飲大咗就捉住班仔,陪佢傾通宵,李思捷都係佢酒腳之一。」一名工作人員說。

本週一(二十四日),呂珊在電話中否認身體出了問題,強調暴瘦源於壓力大,當被問到是否經常食唔落嘢,反胃想嘔,她停頓幾秒才回應:「慢啲!唔可以開懷咁食囉!」希望呂珊保重身體。

在無綫做閒角多年,呂珊終憑 09年的劇集《宮心計》,演奸妃受注視。

有傳呂珊近年常借酒澆愁,愛蒲的李思捷是她的酒腳。

記者致電與呂珊一起拍《潮拜武當》的錢小豪,他說:「我係好少見珊姐食嘢!」不過轉頭他即兜番:「咁我都好少食。幾日前見過佢,佢精神番好多」

醫生陳仲謀:厭食或抑鬱都會係咁

據精神科醫生陳仲謀稱,厭食症是情緒病,而非抑鬱病。至於是否與減肥過度所致,他說:「減肥係一種行為,肥咪要減,但有啲唔肥都照減。厭食症定義係基本上比較瘦都要減落去,就叫厭食症。好似體形得 70磅,但佢當自己係 100磅咁繼續減,係病態。

「厭食症同暴食症會同時喺一個人身上交替出現,醫學上呢類型係稱之為飲食失調。如果唔係厭食症,抑鬱病患者入面亦有 85%嘅病人都會胃口差,唔想食嘢、冇心機食嘢、日漸消瘦。亦有 15%患者會相反化悲憤為食量,食多咗,呢個唔係厭食或者暴食,只係抑鬱病入面其中一個對食物嘅反應。」

低調富婆 前度教投資

一向少談感情事的呂珊自認戀愛經驗豐富,並且偏愛比自己大超過十年的成熟男。

十五、六歲初戀,之後有過多段戀情,其中影響最深的是做基金經理的男友,對方教曉呂珊如何投資。據知,在 95、 96年間,她以樓換樓賺過七位數,更成功在 97年前沽清手上物業,避過冧市。 97股災,呂珊仍可在股市中獲利,她承認是獲高人指點。有傳她持有天后維景花園、摩頓台和炮台山康福台,物業資產價值逾二千萬。

呂珊與男友同居的康福台,千呎單位市值約一千萬。

她安頓母親的天后維景花園,最細單位現值約六百萬。

傳奇——童星、歌手、綠葉

生於演藝世家的呂珊,父親是前輩音樂人呂永, 68年,當時 4歲的呂珊與世叔伯呂奇合演電影《梅蘭菊竹》,成為童星。

9歲入行唱歌,曾與梅艷芳兩姊妹在荔園及海外登台, 80年代以藝名珊珊當酒廊歌手。眼見同期的梅艷芳在「新秀」一鳴驚人,成為樂壇天后,呂珊亦步其後塵參加「新秀」,可惜入唔到十強被淘汰出局。之後被唱片公司賞識簽約,出過多張大碟,但只有一首《 3650夜》叫人較熟悉。發展不如意,絕跡樂壇近十年; 00年由好友杜麗莎引薦入無綫拍劇,但一直做閒角,直至 09年的《宮心計》,才被派演奸妃重角。

四歲的她跟叔伯呂奇拍電影。

兒時跟阿梅在荔園登台,兩人同樣唱得,但事業卻大有分別。

80年代中,呂珊終如願出唱片。



鍾意就快D Share啦!
Related Posts Plugin for WordPress, Blogger...