掃呢頁CODE去手機

2014年11月27日 星期四

[壹週刊 - 1290] 新目標 抄 32E童菲牌 余文樂演嘢 余文樂,M1,




面對 32E「導彈身形」的童菲,余文樂非常主動。

探熱針

新目標 抄 32E童菲牌 余文樂演嘢

余文樂拍林嶺東新戲《迷城》時,同戲中奀星 Super Girl成員 Heidi傳出緋聞,同「晶女郎」童菲合作《賭城風雲 2》,對住 32E「導彈」,余文樂表現積極,等埋位時不斷黐實對方傾偈,落力溝通。

前度黃伊汶正式做陳太,余文樂放下心頭大石,為灌溉「乳林」,出晒力。

傾到唔識埋位

與余文樂飾演過氣情侶的二十四歲童菲,在戲中為爭仔同另一「晶女郎」文凱玲大打出手。出海當日, 32E童菲著住藍色碎花裙,比堅尼打底包冚心口,但「導彈」依然異常突出。

現場所見,在甲板等埋位期間,余文樂經常借故走埋童菲身邊撩傾偈,傾傾吓更索性成個身挨在船邊望實對方狂放電,三言兩語,便氹到童菲開懷大笑,二人傾到連導演嗌埋位都聽唔到。

「開工第一日,大家就見到樂仔抄咗牌(攞電話)約人食飯,又成日講爛 gag,氹到童菲不知幾開心,兩個成日細聲講大聲笑,完全冇避忌。」一名劇組工作人員透露。

童菲拗腰挺 E胸,益晒余文樂!

口才了得的余文樂輕易氹到童菲大笑。

開工時,二人幾乎形影不離。

送限量版波鞋

自從去年同吳雨霏( Kary)甩拖後,未有固定目標的余文樂一直歎散餐,有指他一直有繼續同 Kary保持聯絡,隨時翻兜。

「樂仔係有鋪咁嘅癮,同人一齊就唔緊,分開就唔捨得;以前 Emma(黃伊汶)係咁,而家又係咁,間唔中就借啲意搵 Kary,送啲限量版波鞋俾人,話覺得襯佢,所以送俾佢。 Kary知晒樂仔啲招數,仲試過好直接咁同佢講唔鍾意,叫佢唔好再送,仲同啲 friend講,俾樂仔呃過一次就夠,唔會再有第二次。」 Kary身邊人說。

貪玩的余文樂原本想在女神面前一顯身手玩 flyboard,可惜技術水皮。



余文樂升上水面唔夠十秒,即失平衡撻落水。

童菲在船上一直望住余文樂「表演」。

貴為「晶女郎」的童菲,獲三人貼身服侍。

雙臂有紋身

早前《賭城 2》出海補拍余文樂與童菲的戲份。當日劇組租借了近年風行歐美的 flyboard做道具,臨近收工,余文樂爭取機會在「導彈」面前表現海上雄風,除衫展示雙臂上的紋身,又跳落水玩 flyboard示範水上飄,可惜平衡力麻麻,只見他幾經努力才成功升上水面,但唔夠一陣,已經撻番落水,好水皮!

發哥在船頭不停教她擺 pose。

熱到除衫的余文樂,擺出招牌 chok樣。

嗒女事件簿

二○○○年入行的余文樂,一直緋聞多多,除公開的女友盧巧音、黃伊汶、吳雨霏外,散餐更加食唔少。

盧巧音

出道初期與比自己大七年的盧巧音撻着,其後有傳余文樂在台灣拍《愛情白皮書》時偷嗒拍檔楊丞琳,導致二人分手。

鍾欣桐

02年,與阿嬌拍攝電影《一碌蔗》日久生情,余文樂更因為與陳冠希爭阿嬌,在頒獎禮後台動粗互罵,幾乎大打出手。

黃伊汶

03年撻着後,有指余文樂經常獲有米黃伊汶贈送名牌,甚至包辦全屋傢俬,拍拖多年,多次傳出男方偷食,直至 08年,余文樂在日本旅行時攬女被黃伊汶朋友目擊過程,女方忍無可忍結束五年情。

王璐瑤( Lu Lu)

12年,被踢爆與𡃁模王璐瑤互傳情慾短訊,余文樂甚至將淋浴照片傳給對方,之後吳雨霏出現,緋聞才告一段落。

吳雨霏

去年情人節,二人於赤柱拍拖斷正,戀情曝光,其後有指余文樂對舊愛黃伊汶念念不忘,令「樂雨戀」只維持了大半年就玩完。

中瑞混血兒 Ase

今年三月,有傳余文樂秘撻 32C中瑞混血模特兒王惠敏( Ase),二人結伴遊洛杉磯, Ase高調晒合照外,更於 Instagram留言向余文樂示愛。

張慧雯好玩得

余文樂玩了大半個鐘,依然無法掌握到玩 flyboard的技巧,但在戲中做女殺手的張慧雯( Candy),就玩得有板有眼。

當日著住黑色開胸泳衣的 Candy,同一班女 model海上「胸戰」,在海中心一邊玩 flyboard,一邊開槍,最後更要扮中搶凌空撻落水,一氣呵成。

張慧雯玩 flyboard時有板有眼,平衡力驚人。

著住開胸泳衣的張慧雯十分有睇頭。



鍾意就快D Share啦!