2014年11月27日 星期四

[壹週刊 - 1290] 阮兆祥開騷唱人 阮兆祥,M1,




同你吟一吟

阮兆祥開騷唱人

黃子華做 talk show賺到笑!孖膶腸阮兆祥有樣學樣,喺伊館搞咗四場《阮兆祥 2014硬食博覽棟篤笑》,上個禮拜五(十一月二十一日)開第二場,請咗曾志偉做嘉賓。

有獎門人,現場當然好氣氛,加上被臨時拉上台嘅錢嘉樂,居然當住現場三千觀眾問志偉:「你有冇試過食完唔認數?」見慣風浪,志偉未驚過:「唔通大庭廣眾答你有咩!呢個時間梗係出賣朋友有,不過係譚詠麟!」

黃子華棟篤笑講生活談政治,阮兆祥就以歌唱形式,講娛樂圈新聞熱話。唔怕得罪人,入選點「唱」名單包括周永恒同小三 Ruby、謝霆鋒翻撻王菲、就連 Beyond阿 Paul、家強兄弟反目,都俾阮兆祥攞嚟做話題,但改編歌詞入面,提埋黃家駒個名,會唔會 over咗呢呵!

扮填詞人黃偉文上台「唱」娛樂新聞,更改編 Beyond作品《 Amani》,笑阿 Paul同家強反面,但歌詞入面提埋黃家駒,似乎唔多尊重。

孭背囊扮都敏俊,之後仲走落台同錢太湯盈盈合照。

台上剝衫戴胸圍,阮兆祥當眾變身扮「下陷 BB」,驚!

阮兆祥開騷,吸引唔少圈中人捧場,包括關菊英同密友 Willy,兩個仲响台下咬耳仔晒恩愛,菊姐 open,搞到另一半面都紅晒!



鍾意就快D Share啦!
Related Posts Plugin for WordPress, Blogger...