2015年5月1日 星期五

澳門開騷後入院  66歲阿 Sam腰患困擾 [忽然1周 - 1031] Sam,許冠傑,MW,



12/4 精神番晒

月初曾入院檢查身體的阿 Sam, 4月 12日為了支持懷谷拍攝,現身大埔的 studio。雖然他有個小肚腩,但精神不俗,走路亦較日前自然,看來腰患已好轉不少,其間卻忍唔住外出扯幾口雪茄(小圖)。

滾熱辣

澳門開騷後入院  66歲阿 Sam腰患困擾

香港第一代「歌神」許冠傑永不言休,已經 66歲,近年仍然堅持周圍飛開演唱會,未有收山念頭。

4月初阿 Sam才帶住兩個仔許懷欣及許懷谷去澳門開騷,不過有傳返港後因腰患而要入院。本刊影到阿 Sam與老婆外出時行動緩慢,更要扶實車門借力上車,單單一個上車動作已用了逾 10秒。

據知許氏兄弟都有心臟病及糖尿病的前科,故阿 Sam非常小心身體。大仔許懷欣承認父親阿 Sam曾入院檢查:「都想知佢身體有咩唔妥,醫生叫佢唔好再食咁多海鮮。」海鮮含極高膽固醇,直接影響血管和心臟,看來阿 Sam真係要戒口喇!







由七十年代紅到九十年代的許冠傑, 92年宣布退休,在紅館開了四十一場《許冠傑光榮引退演唱會》。大家以為歌神一早搵夠,可以享清福的時候, 2004年他又突然回歸,舉辦《繼續微笑會歌神演唱會》。

及後許冠傑堅持年年開演唱會,除了可以與 fans見面,還可以提攜兩個仔許懷欣及許懷谷,讓他們增加演出機會。歌神在台上風采依然,身手亦相當敏捷,不過年屆 66歲的他近年身體開始出現小毛病,據知情人士透露:「四月初阿 Sam帶懷欣同懷谷去澳門開騷,返到香港就腰痛,之後仲入過醫院做 body check,懷欣都擔心老竇,都有陪老竇見醫生!」

4/4 歌神又唱又跳

阿 Sam澳門演出,不單止唱盡經典歌,又配合成班舞蹈員手舞足蹈,以他的年紀來說,實在相當厲害。

做足綵排

雖然有豐富演出經驗,但阿 Sam和細仔懷谷在前一晚都做足綵排。能與囝囝在台上 jam歌,阿 Sam辛苦啲都值得!

緩慢上車

據知,許氏兄弟不約而同都受疾病煎熬。大哥許冠文年前自爆患有糖尿病多年;而排行第三的許冠英,四年前更因心臟病發於家中逝世;阿 Sam算是最健康強壯的一位,只是受腰患困擾,及膽固醇偏高。記者日前發現,腰患未癒的許冠傑由老婆 Rebecca陪同到沙田新城市行街,在停車場上車離開時,阿 Sam行動明顯緩慢,腰部硬晒軚,當日駕車這重任亦由老婆負責。

4月 16日,許懷欣到電台為新碟宣傳,對於父親的健康,他表示非常關注,亦承認老竇曾作身體檢查:「都係想知身體有咩唔妥,醫生叫佢唔好再食咁多海鮮。佢平時都有做開 gym,我覺得佢 fit過我囉。」 Sam喜歡享受人生,從來不戒口,但為了身體健康着想,現在不得不戒口。

據知 Sam更因為長期站立彈結他,腰部間中隱隱作痛,但他仍堅持無間斷開騷,為囝囝製造更多工作機會。幸好大仔許懷欣相當生性,早年在美國留學曾出版兩隻英文大碟。而現已是兩子之父的懷欣,除了跟歌神老竇做巡迴表演外,亦從事音樂創作,可謂子承父業。

阿 Sam三兄弟感情要好,惟 2012年許冠英因心臟病離世,阿 Sam久久未能釋懷,一度萌退出念頭。而許冠文多年前確診糖尿病,令他更加注意飲食。

10/4 走路唔自然

由澳門返港不久,阿 Sam和老婆 Rebecca到沙田逛街,阿 Sam步行至停車場期間,步幅細且右腳行動有點不自然。

上車用 10秒

阿 Sam上車一刻動作更加緩慢,用了逾 10秒才成功上車,其間還要用右手扶實車借力。

懷欣認老竇 有睇醫生

許懷欣接受記者訪問,坦言老竇有睇醫生檢查身體,「佢睇吓有咩唔妥,醫生叫佢唔好食海鮮!」此外他亦大讚老竇永不言休,還說阿 Sam fit過他。

出錢出力支持懷谷

其中許懷谷 2011年成立自己的影片製作公司 PowerUP Motion,搞得有聲有色。許冠傑為支持細仔,不但將自己的演唱會及宣傳短片拍攝工作交予懷谷,去年更以二千多萬賣出持有了 10年的大埔康樂園豪宅,注資入懷谷公司。知情人士指:「懷谷不嬲都對拍片好有與趣,佢 09年同女友結婚仲開埋自己嘅製作公司,阿 Sam啲演唱會都係叫懷谷拍片,有歌神老竇支持,搵食當然冇問題不過做呢行啲專業器材投資都唔少錢,阿 Sam見個仔真係好有心做呢行,上年決定泵水俾懷谷搞大佢。近年懷谷多咗好多 job,最近仲擴充公司,喺火炭租咗個大 office,嚟緊準備搬入去㖭!」

前周日( 12日)本刊記者拍得懷谷與同事帶同攝影器材到阿 Sam位於大埔的 studio進行拍攝,老竇阿 Sam及媽媽 Rebecca亦在場,其間阿 Sam更行出戶外扯雪茄。呢位廿四孝老竇見到囝囝生性,相信亦甚安慰。

子承父業

歌神多年來不斷培育兩子,現時兩人有各自的演藝事業,阿 Sam亦大可放心。

《蘋果日報》圖片

賣樓賺 822萬

本身持有 3個康樂園物業的阿 Sam和太太 Rebecca,去年將持貨 10年的其中一個康樂園物業售出,帳面已賺 822萬。

擴充製作公司

今年 37歲的 Scott許懷谷於美國長大,曾修讀創意藝術及平面設計,又曾於荷里活參與電影製作, 04年隨父親回流香港。對攝影工作極具興趣的他, 11年成立 PowerUP Motion製作公司,為陳奕迅、陳冠希等拍攝 MV,同時亦有參與電視節目製作等。

其公司網頁中許懷谷自稱為創作總監,而根據公司商業登記顯示,該公司董事實為許懷谷老婆林鈺雯。將公司交由老婆揸手,似乎遺傳歌神老竇愛妻號的優點。

製作公司門面設計十分時尚有型格,現時正進行裝修擴充工作,懷谷坦言工程快將完成。

該公司由懷谷太太林鈺雯(左一)任董事,懷谷表示自己是創作總監。

去年阿 Sam的〈何處覓蓬萊〉 MV,亦由懷谷(右一)負責拍攝。

戒海鮮降膽固醇

歌神許冠傑間歇腰痛,又要戒食海鮮。家庭醫生關嘉美表示:「戒食海鮮同腰患本身冇太大關係,不過海鮮膽固醇較高,年紀大嘅人真係應該食少啲。如果腰有舊患拎住吉他表演,最好唔好太長時間,事前仲要做吓腰骨保養,事後都要有適當嘅休息。不過如果表演係開心 enjoy嘅,就會分泌出內腓肽,本身有一定止痛嘅作用!」

鍾意就快D Share啦!
Related Posts Plugin for WordPress, Blogger...