插圖： Wendy
揞名爆
「外太空」立壞心腸跣「悲情女」
要令世界都憎你，其實都真係唔容易，但「外太空」做到呀！媽咪姐最近同班幕後 tea一 tea，又八到佢啲衰嘢啦。
查實講起都幾年前，嗰時「外太空」仲細，但估唔到已經好有心計！有次佢要喺節目度孖住另一個女歌手「悲情女」合唱，咁「外太空」就話自己今日病呀把聲沙呀唱唔到高音呀，一下「太極」就將首歌最難唱嘅部分俾晒人哋唱。點知正式錄影嗰陣，「外太空」把聲不知幾響，直情隔幾條街都聽到。嗰時成班幕後都覺得呢個妹妹仔真係「犀利」！
大家估唔到嘅，係「外太空」並冇「放過」「悲情女」㗎！後尾有次頒獎禮，「悲情女」攞咗獎，喺台上面開心到喊。而當佢落台嗰陣，「外太空」忽然行前恭喜，然後細細聲喺「悲情女」耳邊講：「你學我呀？」再藐藐嘴行咗去。嘩，呢啲咁嘅嘴臉，真係俾人打唔好問點解喎！
邊個係「外太空」？
1.唱歌、嗌歌一樣得㗎！
2.香港人好鍾意佢，但希望佢少啲返嚟，香港太唔啱佢㗎！
邊個係「悲情女」？
1.創作歌手。
2.情路坎坷呀陰功！
|
鍾意就快D Share啦！
|
|
|
