全城熱爆的娛樂八封新聞 & 時事趣聞 & 生活 + 趣聞
Hani跳〈 Up& Down〉又係幾投入嘅，呢吓骨盆舞加埋個高潮表情，台上台下一齊 high！
喺韓國 1年有幾十隊新組合出道，想紅唔易囉！好似原本 6人嘅女子組合 EXID咁，出道 3年，先換咗兩個再叮一個，終於喺舊年年尾，以 5人姿態唱〈 Up& Down〉跳性感「骨盆舞」，竟然俾佢哋扭到上位。就連綜藝節目《超人回來了》嘅三胞胎都識唱呢首歌，勁！
依家佢哋又出姊妹歌〈 Ah Yeah〉，轉跳擘髀舞，性感程度唔輸俾〈 Up& Down〉，仲喺音樂節目贏埋 JYP老闆朴軫永同組合 missA㖭！所以話呢，有運真係好緊要。
原本冇乜人留意嘅 EXID，因粉絲太愛成員 Hani，幫佢拍咗成條性感片放上網，竟然因為咁，帶挈 EXID爆紅。
（左起） EXID嘅惠璘、 LE、靜花、 Hani、率智出道 3年一夜爆紅，今次嘅新歌〈 Ah Yeah〉轉跳擘髀舞，一樣 sexy。
前幾日， EXID憑新歌喺音樂節目攞咗第一名， Hani（右）開心到喊，要惠璘（左）代佢講感言。
