掃呢頁CODE去手機

2015年5月1日 星期五

幫《大時代》電影版選角 [忽然1周 - 1031] 大時代,MW,



靚抽王

幫《大時代》電影版選角

大台想話翻拍《大時代》電影版,雖然翻拍呢個行為冇乜創意,但係相信好多人都支持嘅,只要唔好好似新版《古惑仔》咁,搵個羅仲謙嚟敷衍觀眾,咁就得嘞!就等我哋 S橋王再次出謀獻策,睇吓搵邊個做呢台戲

成龍飾丁蟹

點解搵佢?丁蟹同大哥一樣,經常會進入眾人皆醉我獨醒嘅狀態,有佢講冇人講,千錯萬錯都唔係佢錯,你哋唔覺得咩?「我打死人,但係冇做錯」呢句丁蟹金句,同大哥句「我犯咗天下男人都犯嘅錯」係有異曲同工嘅味道。

吳綺莉飾羅慧玲

個角色本來就係寡婦,夾!加上如果大哥做丁蟹,整癲阿玲,仲夾!

王維基飾方進新

劉松仁扮癡呆同報紙檔老細講「俾次機會呀!老細!」,受到網民激讚,怕且要入戲到咁嘅地步,都要搵個有差唔多經歷嘅人嚟做先得。思前想後,最好搵王維基做呢個角色,不過句對白要係咁:「俾個牌嚟吖,老細!」

王宗堯飾方展博

王宗堯同方展博一樣大器晚成,而且有一種型佬味。

何韻詩飾慳妹

身為獨立歌手嘅何韻詩,又賣二手嘢又整麵包,同慳妹一樣又慳又草根。

梅媽媽飾賤婆婆

教出丁蟹呢個衰仔,真係唔係咁易,不過梅媽媽教出一隻千年蛀米大蟲,亦都有佢嘅難度!而且今次請梅媽做呢個角色,係想佢可以趁機搵外快,費事佢又上法庭話自己同個乖仔冇錢用。

S橋王

S橋王作為宇宙最強度橋專家,一向以改善社會風氣為己任,為世人出謀獻策,伸張正義(同時又八卦吓恥笑吓咁嘻嘻)。

鍾意就快D Share啦!