靚抽王
幫《大時代》電影版選角
大台想話翻拍《大時代》電影版，雖然翻拍呢個行為冇乜創意，但係相信好多人都支持嘅，只要唔好好似新版《古惑仔》咁，搵個羅仲謙嚟敷衍觀眾，咁就得嘞！就等我哋 S橋王再次出謀獻策，睇吓搵邊個做呢台戲
成龍飾丁蟹
點解搵佢？丁蟹同大哥一樣，經常會進入眾人皆醉我獨醒嘅狀態，有佢講冇人講，千錯萬錯都唔係佢錯，你哋唔覺得咩？「我打死人，但係冇做錯」呢句丁蟹金句，同大哥句「我犯咗天下男人都犯嘅錯」係有異曲同工嘅味道。
王維基飾方進新
劉松仁扮癡呆同報紙檔老細講「俾次機會呀！老細！」，受到網民激讚，怕且要入戲到咁嘅地步，都要搵個有差唔多經歷嘅人嚟做先得。思前想後，最好搵王維基做呢個角色，不過句對白要係咁：「俾個牌嚟吖，老細！」
S橋王
S橋王作為宇宙最強度橋專家，一向以改善社會風氣為己任，為世人出謀獻策，伸張正義（同時又八卦吓恥笑吓咁嘻嘻）。
|
鍾意就快D Share啦！
|
|
|
