掃呢頁CODE去手機

2015年5月1日 星期五

Stephy打排球又幾好睇喎! [忽然1周 - 1031] Stephy,鄧麗欣,MW,



Stephy同中國女排打咗場友誼波,喺球證偏幫下,先至勉強打和。不過 Stephy唔 hea㗎,跳起扣殺有力,仲打到甩鞋㖭。

媽咪姐

Stephy打排球又幾好睇喎!

媽咪姐成日同啲世姪女講,做乜都好,有心係唔怕遲嘅!好似中學係排球校隊嘅 Stephy鄧麗欣,入咗行之後,都冇再正式打過排球。不過最近佢組咗隊 Loey排球隊,啱啱仲有機會同中國女排比賽噃!

見 Stephy面對女排名將孫玥、趙蕊蕊都冇話怯喎,成日跳起扣殺,露埋小蠻腰, so sexy呢!佢仲好坦白咁話排球隊入面,最老係自己,「要證明俾大家睇我係寶刀未老!自己做好多體能,唔可以輸俾啲小妹妹。」講到咁老,查實 Stephy你都係 31歲啫,有排玩啦。

5呎 5吋嘅 Stephy,企喺 6呎以上嘅孫玥(左)同趙蕊蕊中間,即時變哈比人。 Btw,睇番舊相,發現 42歲嘅孫玥真係變咗唔少呢。

鍾意就快D Share啦!