全城熱爆的娛樂八封新聞 & 時事趣聞 & 生活 + 趣聞
咪睇宋智孝已經 33歲，佢仲有樣有身材！拍劇肯露肯捱，好似喺韓國 tvN收費台新劇《前女友俱樂部》段宣傳片就睡衣登場，又同男主角卞耀漢曖曖昧昧，幾瞓身先得㗎！
但入行咁多年嚟，智孝 BB係喺綜藝節目《 RM》同 Gary扮「周一情侶」，但係人都知為節目效果，緋聞係假嘅。查實佢同自己經理人公司 C-Jes娛樂老闆白昌株拍拖，喺圈內唔係秘密，仲有傳已經見過家長，智孝 BB父母仲好鍾意呢位未來女婿㖭！
出年就 30歲嘅卞耀漢，入行 4年只係拍過 3套劇，今次喺《前女友俱樂部》就升呢男主角同智孝 BB演前男女朋友。戲外佢哋都好 friend，睇落仲有啲曖昧㖭！
智孝 BB着住睡衣瞓喺度，仲怕怕醜醜咁，男主角卞耀漢執到
喺《霜花店》中飾演皇后嘅智孝 BB，因為皇上係「基」，對佢冇興趣，就安排佢同飾演護衞嘅趙寅成傳宗接代，智孝 BB仲主動除衫露兩點。
早喺 7年前，智孝 BB同趙寅成拍電影《霜花店》，有多場大膽情慾戲，佢哋仲全裸演出。好噴血㗎！
舊年有傳智孝 BB（左）嘅經理人合約到期，會轉新公司，仲話佢同男友白昌株（右）分手。但好快佢就續約，唔使解釋，都知兩個人感情穩定。
