全城熱爆的娛樂八封新聞 & 時事趣聞 & 生活 + 趣聞
安仔話呢次未必有辣身舞俾大家睇，但睇佢喺排舞室練舞，跳得咁落力，應該準備咗唔少好嘢囉。
講咗一排，話咁快許志安嘅演唱會，喺今個禮拜開鑼，數吓手指已經係第八次喇！仲有乜新搞作，媽咪姐都好期待呀！
呢日媽咪姐食完飯路過佢嘅排舞室，咁啱就見到安仔喺度練舞，仲見佢跳跳吓拉起衫袖，晒 22吋手臂，真係巨呀！之後佢又趁住休息，喺度舉吓對手，媽咪姐八卦問吓佢舉乜，佢就話：「 air！」原來操肌咁都有效㗎？查實媽咪姐知道安仔為咗今次個騷好忍口，除咗食烚雞胸練肌肉外，平時只係食蔬菜餐，已經食咗一排。依家個咁 fit身形，都係咁 keep番嚟咋！
之前操到咁上下，安仔已經先喺網上晒一晒背肌，好 sexy喔！
跳到出晒汗，安仔除咗件外套，咁就騷咗佢對 22吋手瓜出嚟。
今次安仔操到手臂青筋都出埋，睇嚟身材應該仲有睇頭喎！
女士想減肥修身，就會食水果蔬菜餐。原來安仔嘅 keep fit餐單都差唔多，都係一堆菜，好 dry呀！
