掃呢頁CODE去手機

2015年5月1日 星期五

林海峰原來識得笑㗎! [忽然1周 - 1031] 林海峰,MW,



林海峰俾幾位參觀者圍住,冇黑面不特止,仲傾到笑晒口,真係少見。

媽咪姐

林海峰原來識得笑㗎!

林海峰俾媽咪姐印象最深係咩呢?就係佢嗰副見到牛爬樹都唔會笑嘅面口囉﹗不過世事又真係冇絕對。話說前幾日林海峰喺中環出席咗個活動,大會用咗 5萬個罐頭組裝幾個「世界名勝」包括尼泊爾嘅佛教中心。

當日林海峰嘅心情靚爆,不但冇黑面,就算有參觀者搵佢簽名、影相,林海峰完全來者不拒之餘,仲同人有講有笑,真係 nice到呢。比着以前?即掉頭走啦。話時話,識得笑咪好囉,笑一笑,世界更美妙嘛,歌仔都有得唱啦﹗

傾傾吓,有人走埋去要求合照,一樣冇 sey no。

當日尼泊爾隊砌咗個佛教中心(上圖),咁啱尼泊爾發生大地震,林海峰好感慨話:「推冧原來咁容易!」

鍾意就快D Share啦!