全城熱爆的娛樂八封新聞 & 時事趣聞 & 生活 + 趣聞
依家學品酒嘅 Ruby，上堂好留心抄 note，仲同同學相處融洽㖭。
港視小花劉伊靜（ Ruby）舊年介入阿 Yu同周永恒婚姻，搞到滿城風雨。早排睇佢 Instagram仲好灰爆，不過成功撇周永恒後，就不時出走散心，最近仲搵到新目標，停工多月嘅佢重投幕前外，仲報咗「國際品酒師課程」，學番一門手藝咁話。媽咪姐打去關心吓佢近況， Ruby話：「最近都係忙緊公司嘅嘢，間唔中有去內地幫電視台拍化妝同美容節目，自己又進修紅酒師牌，希望有日可以做到」再問佢有無同周永恒聯絡， Ruby就即刻落閘:「關於佢嘅嘢我唔會再回應㗎啦!」唔再提舊事，重新出發都係好事嚟嘅。
前幾日， Ruby考到 level 1嘅品酒證書，開心到喺 ig同人分享。
舊年 Ruby同周永恒愛得癡纏，搞到冇工開。 Ruby甩拖後識諗咗，會為自己前途打算。
