熱爆娛樂: 艾美琦新片獵兩男　猴擒曹查理：等我過啲料俾佢 [忽然1周

2015年5月1日星期五

艾美琦新片獵兩男　猴擒曹查理：等我過啲料俾佢 [忽然1周 - 1031] 艾美琦,曹查理,MW,

上下其手

正式 roll機時，曹查理對艾美琦上下其手，艾美琦就欲拒還迎。

娛樂喧

艾美琦新片獵兩男　猴擒曹查理：等我過啲料俾佢

自從搭上賭場猛人之後，𡃁模艾美琦（ Amy）不但錄歌出唱碟，最近更在電影《色模》擔正。電影中，艾美琦有露兩點牀戲，又會跳艷舞色誘「三級男神」曹查理。

拍攝當日（ 10日），本刊現場直擊艾美琦一日內激戰兩男，先後生擒楊正軍和曹查理。原來曹查理戲內戲外對艾美琦都好主動，排戲時一面抽水一面冧女，這名 65歲的老戲骨更笑淫淫咁話：「等我過啲料俾佢！」

艾美琦（ Amy）由板間房升呢住月租三萬的豪宅，又錄歌準備出碟，近日更殺入電影圈，以 6位數字片酬接拍講述以𡃁模為上位而性戰連場的電影《色模》。片中艾美琦有多場牀上戲，有一場更色誘「三級男神」曹查理。雖然不乏露點場面，不過據悉《色模》會先爭取以 IIB級上映。

曹查理飾演專玩𡃁模的富豪，艾美琦在他面前露腰谷胸大跳印度舞，全力色誘他上牀博得寵。在對戲時，曹查理已經好似「貼身膏藥」咁挨實艾美琦，不但順勢摸艾美琦大髀，排練摸胸戲時，亦真係摸落去。

雖然變咗「強力抽濕機」，不過曹查理都好識搞氣氛，排戲時笑笑口話：「我又唔係陳冠希，唔會影你相嘅！」之後又話：「我呢啲老骨頭過些少料俾你」教她對戲及走位的技巧，又大讚她：「樣靚身材又正，近來都少有！」𠱁到艾美琦笑聲不斷。

摸髀排戲

排戲時，曹查理挨實艾美琦，其手更順勢在她大髀上遊走。

又摸又𥄫

排到摸胸戲份時，曹查理一手按住艾美琦心口，雙眼又擺明𥄫嘢，認真唔客氣。

曹查理本來與梁齊昕合拍新片，不過齊昕有病，合作唔成。食唔到特首女，曹查理新片轉食艾美琦， downgrade喎！

騎實亞視奀星

至於艾美琦最激的一幕，則是她露點大戰亞視「星光幫」楊正軍。未埋位時，艾美琦主動拉楊正軍到牀上對戲，她見楊正軍一臉尷尬，就主動叫他對自己「猴擒啲」。不過到正式拍攝時，仍然是艾美琦主動出擊，她更使出早前生擒賭場猛人的「騎馬」招式，露兩點騎在楊正軍身上。由於艾美琦騎姿純熟，導演一 take便收貨。

之前說過「封胸」的艾美琦，強調所謂「封胸」只限出席活動，拍戲就不介意繼續性感。品嘗過兩名猛男之後，艾美琦說：「查理哥真係好專業，又冇架子，我第一次拍電影，遇到個咁好嘅前輩好開心。（覺唔覺佢嘅眼神好鹹濕？）性感場口俾人望住唔算尷尬，入行咁耐我都慣。反而我識楊正軍，對住佢要拍露點牀戲就有啲尷尬，而查理哥就好識帶對手入戲！」 65歲嘅曹查理 KO後生仔楊正軍，果然薑係老嘅辣。