2015年5月1日 星期五

Miki慳出個豪門 [忽然1周 - 1031] Miki,楊愛瑾,MW,



周三( 29日) Miki出席活動,承認男友喺芬蘭旅行嗰陣向佢求婚。不過佢仲未係「郭太」,婚禮預計出年舉行。

媽咪姐

Miki慳出個豪門

早喺 2007年就同永安已婚太子爺郭永淳傳緋聞嘅楊愛瑾( Miki),今年初兩人去冰島同芬蘭旅行嗰陣,終於等到男友向佢求婚,正式嫁入豪門。







查實媽咪姐都知道, Miki為咗呢段感情,忍咗好耐。話晒唔想俾人話佢貪男友錢,拍拖咁多年,雖然有收過男友送嘅名牌禮物,但 Miki一直好慳家,唔會吓吓出入要男友派司機嚟,或者搭的士,而係同大家一樣排隊坐小巴、逼巴士。總之衣食住行樣樣慳,唔會俾人影到去 high tea。聽講郭老太見佢咁知慳識儉都好滿意,所以拍板准佢入門。慳足 8年,終於得咗!

搭幾蚊巴士

就算泊到郭永淳呢個疊水碼頭,前兩年 Miki開工都係逼巴士咋。

Miki同郭永淳拍咗 7年拖,一直堅持唔亂使錢,就算同男友拍拖都搭小巴,真係好慳㗎!

生果逐個買

Miki孭住個兩萬幾蚊 Chanel,竟然唔去大型高檔超市,而支持本地平民生果店,仲只係買 1個蘋果,連 5毫膠袋錢都慳番。

買百零蚊衫

女仔鍾意買衫, Miki都唔例外,但佢去尖沙嘴加連威老道掃貨,估佢唔到囉。

鍾意就快D Share啦!
Related Posts Plugin for WordPress, Blogger...