2016年5月12日 星期四

俾鄭嘉穎杯葛 謝安琪心淡 陪仔踢波 [壹週刊 - 1366] __,嘉穎,謝安琪,鄭嘉穎,M1,

雖然熱到吹住風扇仔,阿Kay見到個仔就笑晒口!探熱針俾鄭嘉穎杯葛 謝安琪心淡 陪仔踢波四月完成兩場演唱會後,謝安琪即宣布停工,有份拍的《殭》播得如火如荼,同男主角鄭嘉穎更一早不和,上週五(6/5),鄭嘉穎請《殭》演員在渣甸山慶功,被杯葛無份出席的阿Kay,亦寧願陪仔玩。跟得阿媽已開始停工的阿Kay,擔任女一的《殭》播得如火如荼,上週五(6/5),男一鄭嘉穎吹雞請全劇演員慶功,曾被指掛住追陳凱琳冷待 ...


雖然熱到吹住風扇仔,阿 Kay見到個仔就笑晒口!

探熱針

俾鄭嘉穎杯葛 謝安琪心淡 陪仔踢波

四月完成兩場演唱會後,謝安琪即宣布停工,有份拍的《殭》播得如火如荼,同男主角鄭嘉穎更一早不和,上週五( 6/5),鄭嘉穎請《殭》演員在渣甸山慶功,被杯葛無份出席的阿 Kay,亦寧願陪仔玩。

跟得阿媽

已開始停工的阿 Kay,擔任女一的《殭》播得如火如荼,上週五( 6/5),男一鄭嘉穎吹雞請全劇演員慶功,曾被指掛住追陳凱琳冷待阿 Kay,鄭嘉穎今次請客亦無預阿 Kay。

連日來都黐住個仔,快將九歲的張瞻,本身就有唔少同學仔朋友,不過,阿 Kay亦樂於做跟得媽媽,會黐埋仔仔和其他同學及家長聯誼。

上週六( 7/5),下午一時許,謝安琪親自駕車,同奶奶一齊送囝囝去樂富學踢波,戴住頂草帽的阿 Kay,依然化行妝,陪足阿仔踢波個半鐘,阿 Kay都準備充足,帶定飲品和風扇仔,同奶奶坐埋一邊睇,活躍的張瞻,不時和其他小朋友傾偈,似乎是初學階段,張瞻交波經常交甩,阿 Kay仍顯得好緊張,不時用手機拍下囝囝風姿。

陪阿仔踢完波,另外有約的阿 Kay,獨自駕車離開,張瞻就跟阿爺嫲嫲返屋企。

阿 Kay獨自坐埋一角,對眼就全程望住張瞻。

張瞻與張繼聰成個餅印,亦遺傳埋老豆踢波天分。

全部泡湯

去年十月宣布會大搞入行十周年世界巡迴的謝安琪,大半年來,都只舉行了一場澳門演唱會及兩場香港演唱會,其他地方全部泡湯,的確令謝安琪心灰意冷。

「話晒入行十年,阿 Kay本來對呢個世界巡迴演唱會好有寄望,不過,星馬、澳洲同美加傾傾吓都全無下文,就連內地演唱會,亦攞唔到批文難產,阿 Kay係好唔開心,因為咁亦壓力好大!」

本已同奶奶同住,當日阿 Kay亦與奶奶一齊出動陪張瞻踢波。

阿 Kay不時睇短訊,又攞電話影低阿仔踢波情況。

近年經常辣火頭的謝安琪經理人夏森美,早於阿 Kay出道時已開始合作,不過,合作十年,意見分歧亦日深。

「阿 Kay離開星煥之後,自組製作公司邁亞音樂,呢間公司周博賢同夏森美都有份,本來香港演唱會,都有其他製作公司傾話做主辦單位,好似新娛國際、太陽娛樂咁,仲一簽可包幾場合約,但夏森美唔鍾意俾人話事,更認為肥水不流別人田,所以自己攞返嚟搞,又唔肯分餅仔俾其他單位協辦,點知傾贊助傾到一鑊泡,最後更因為宣傳唔好,由原先計劃開五場變咗得兩場,相對事業高峰期嘅七場演唱會,簡直跌晒 watt,最慘係連累公司蝕錢!阿 Kay先咁心淡!」

被爆拍劇期間,掛住追陳凱琳冷待阿 Kay,兩人早有心病。

上週五( 6/5),鄭嘉穎吹雞,請《殭》演員食飯,唯一唔請阿 Kay。

唔再續約

見世界巡迴出晒事,將於今年七月約滿經理人公司 Ban Ban Music,謝安琪決定唔續約。

「 Kay就嚟約滿, Sammy Ha都『 chur』得阿 Kay好盡,幾個月嚟為咗唔續約, Kay決定停工休息,等合約滿咗先再打算。」

紀念十周年卻變暫別演唱會,阿 Kay谷晒胸跳辣舞。

巡迴演唱會爛尾,阿 Kay決定飛走合作十年的經理人。

在無綫工作不斷的張繼聰,極支持老婆短休,揚言由他擔起頭家。

合約多糾紛

謝安琪決定飛起合作超過十年的經理人夏森美,選擇停工等合約滿。其實,這十年來,阿 Kay都有唔少合約糾紛。

2005-2006

05年出道,簽約 Avex Asia,推出《愁人節》、《姿色份子》等歌,人氣急升,不過與 Avex合約未滿的謝安琪,口頭答應會續約,另一邊卻秘密傾新藝寶。

2006-2012

加盟新藝寶唱片、唔夠一個月的謝安琪發現未婚懷孕,並休假半年,唱片公司全面配合, 08年更憑《囍帖街》大受歡迎,事業創高峰,不過,被公司捧成一姐後, Kay 12年便秘傾星煥娛樂,最後和新藝寶解約收場。

2012-2013

與新藝寶唱片不歡而散解約後,並以 160萬轉投星煥旗下及賣身台灣金牌大風,簽約三年。可是到 13年,星煥與 TVB合併,成為星夢娛樂,阿 Kay拒絕加盟,自組製作公司「邁亞音樂」,最近又因合約問題鬧不快。

撰文、攝影:娛樂組


鍾意就快D Share啦!
Related Posts Plugin for WordPress, Blogger...