劉華掟六千萬投資新戲《拆彈專家》，自己兼任監製、演員，樣樣跟到足。
娛樂偵訊
掟錢投資樣樣插手 劉華片場做阿四
去年劉華投資的青春校園片《我的少女時代》，在台灣票房破 4億新台幣，仲捧紅咗男主角王大陸。劉華點石成金，今年再度出擊，投資新戲《拆彈專家》，搵邱禮濤做導演，今次肥水不流別人田，自己就身兼監製同男主角。
真金白銀科水，劉華樣樣跟到足，拍攝現場，劉華上晒身做總指揮，連場務都撈埋！
乜都要管
今次套戲同寰宇、博納聯手投資合共 1.8億人仔，劉華的新公司「 infinitus film」雖然佔三分一，但身兼監製的劉華樣樣𥄫到實。
據知，劉華連拍攝的事前準備功夫都跟足，除咗親自選角、傾劇本，劉華連睇境、服裝都唔放過，樣樣要插手，全面監控。
「女主角宋佳係華仔點名，之前喺《我的特工爺爺》都合作過，華仔覺得佢好有 potential，《拆彈》個劇本華仔三年前已經收到，改完又改，華仔全程都有參與，而家終於開得成。佢乜都要管全部嘢要佢過目，好嚴謹。喺片場成日見佢指點啲 crew set器材，有時仲落埋
同導演密斟
連日來為新戲拍外景，在劇中飾演臥底拆彈專家的劉華，上週一（廿五日）在黃竹坑拍車戲，穿上一身制服的劉華，在場內不停指手畫腳，連試位都親自落場。每拍完一個 shot，劉華就捉住導演同女主角密斟，但拍完兩個 shot，突然落大雨，大隊惟有轉移陣地，先拍室內境。
「套戲全部喺香港取境，嚟緊有場主戲會搭個 1比 1嘅紅隧境拍，講恐怖襲擊，華仔好大期望，覺得可以超越《桃姐》。」
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
