網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年10月3日 星期四

娛樂專題:黎諾懿雲南禪修 計劃退休開旅館 __,黎諾懿,

黎諾懿之前去咗雲南拍攝旅遊特輯。藝人黎諾懿早前到雲南拍攝旅遊特輯,見識到海天一色的人間仙景,加上山清水秀,坦言吸收靈氣、禪修的好地方,令他心郁郁想退休 ...


黎諾懿之前去咗雲南拍攝旅遊特輯。


藝人黎諾懿早前到雲南拍攝旅遊特輯,見識到海天一色的人間仙景,加上山清水秀,坦言吸收靈氣、禪修的好地方,令他心郁郁想退休在當地開旅館。


樸素古村特產咖啡


拍過不少旅遊及飲食特輯的黎諾懿,在不少地方留有足迹,當中中國雲南令他留下深刻印象!當地著名景點包括金梭島、銀梭島及洱湖(母親湖),湖水乾淨清澈,最適合禪修:「今次去雲南好開心,寓工作於娛樂,喺嗰度令到個人心境都平靜啲,完全見識到原始嘅寧靜!其中有中國七大湖之一嘅母親湖,湖邊有唔少古村,雖然簡陋但夠晒古色古香,樸素又有風味。嗰度冇乜酒店,多數都係旅館,每間都各有特色,入到去好有家嘅感覺,好有親切感好窩心!有啲面對母親湖,無論任何時間坐喺酒店露天咖啡室,望住個湖、飲杯咖啡,真係好舒服。唔講唔知原來中國最出名嘅咖啡係出自雲南,因為當地平均溫度廿幾度,好適合種咖啡。小麥啤酒亦好出色,但對我嚟講就清淡咗啲。」


打算退休後開旅館


經過耕種的田地時,望到一片片黃金色小麥田,同樣令人心曠神怡!黎諾懿透露當地已成為禪修的好地方:「雲南天傑地靈,空氣又好,所以依家多咗好多人去襌修同埋做瑜伽,提升自我精神!佢哋將啲舊學校、舊旅館去改建,但又唔係拆散晒,保留咗原有嘅外貌。佢哋將學校改咗襌修嘅地方,因為當地已經唔係好多人喺嗰度返學,再加入佛教色彩,加上涼爽嘅天氣,好多一雙雙情侶或者三五成群一齊去禪修,我又諗過如果將來退休,喺度開旅館都唔錯。」


雲南遊山玩水一樂也,但就不是購物的好地方,黎諾懿笑說:「雲南最出名就係雲南白藥,專治跌打損傷同創傷出血。嗰度有條中藥街,有黑色冬蟲夏草、好多不知名嘅中藥、壯陽藥,就算唔係買,去睇吓都大開眼戒。」


後記:過橋米線好有愛


雲南美食除了滇菜、白家菜,原來還有海菜,黎諾懿說:「好似海帶咁嘅,生長喺洱海,嗰度隨處可見,食落都幾特別。當然少不得係出產自當地嘅正宗過橋米線、氣鍋雞。過橋米線有段好感人嘅故事,話說有個妻子為咗令到外出工作嘅老公可以食到一碗熱辣辣嘅麵,諗到用一層熟油放喺麵上面保溫,每日長途跋涉過橋,送碗麵畀老公食。」
---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!


Related Posts Plugin for WordPress, Blogger...