2011年度港姐季軍許亦妮（Whitney，現名許芷熒）上月在尖沙嘴洲際酒店設婚宴，與拍拖兩年多的商人男友Alex拉埋天窗，今日是她和老公Alex結婚一個月紀念日，有一件開心事跟大家分享。
30歲許亦妮在IG宣佈懷孕，留言：「就係我同Alex要當爸爸媽媽了！在籌備婚禮的時候突然發現有了小寶貝，我和丈夫當時也有想過要不要把婚禮延遲押後，哈哈！但是我們彼此都急不及待想快點結為夫妻，很開心小寶貝簡直是天賜的禮物！一切都來得最合時！」
許亦妮接受《蘋果》訪問表示心情好開心：「而家幾多個月暫時保密，但係預產期係明年，我希望生女仔可以幫佢扮靚紮辮行街同教佢煮飯……我老公希望想係仔，因為佢好鍾意賽車，希望可以教個仔賽車，其實我陀BB都幾Lucky完全冇唔舒服，陀得好舒服……不過希望之後唔會肥好多。」
她指原先想跟老公過二人世界，之後才生小朋友，她續道：「其實我哋結婚之前都二人世界咗兩年幾，所以一切都發生得好啱時間，因為我哋兩個都想後生啲做爸爸媽媽，仔女將來大個之後，可以同佢哋好似朋友一樣，我自己由細到大都好渴望組織家庭，所以我都好開心咁快有自己嘅小朋友。」
此外，許亦妮又感謝攝影師幫她拍婚照時，堅持要幫她和Alex 拍這張把心心放在肚仔前面的相片，現在終於大派用場，很多準備結婚的新娘子都要減肥節食，她續道：「當我知道有了小寶貝的時候，甚麼都以BB為先，所以完完全全不用節食，在婚禮之前喜歡吃甚麼便吃甚麼，真是非常開心和幸福！」她又指懷孕期間已經生病過好多次，抵抗力會比較低，她也感受到做媽媽才會明白的感受，作為一個新手媽咪，她也要向各位媽媽多多請教，同時開了一個YouTube channel，希望跟大家講不同話題，包括BB話題等，她亦上載第一條影片，讓她的BB隔着肚皮跟大家Say Hello，感覺真的很奇妙和感動。
-----------------------------
-----------------------------
|
鍾意就快D Share啦！
|
|
|