網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月24日 星期四

重新上市:十年婚姻見紅 寫真復出 林雅詩:唔可以靠男人! [壹週刊 - 1333] 林雅詩,M1,



探熱針

重新上市:十年婚姻見紅 寫真復出 林雅詩:唔可以靠男人!

九十年代三級片女星林雅詩,同葉玉卿、葉子楣一樣,終極嫁人收山。結婚十年,三十七歲的林雅詩忽然再起,下月出人妻寫真。

復出背後有苦衷!有指林雅詩婚姻見紅,迫不得已再行性感搵食,她更坦言:唔可以再靠男人!

先斬後奏

有半百失婚羅霖打頭陣,媽咪級的林雅詩鼓起勇氣,拋開中年包袱出性感寫真。息影從良十二年,忽然在三十七歲復出出寫真,搏殺舉動,反映家住西貢千萬豪宅,過着少奶奶生活的林雅詩,同做生意的丈夫有危機。

原來今次出人妻寫真,也是瞞住另一半!

「其實佢唔知,問佢的話會過唔到關,依家咪當俾個 surprise。反應一係冇,一係就好嬲。」林雅詩說。

先斬後奏,林雅詩不在乎影響夫妻感情。

「豁咗出去!唔知會唔會有影響,順其自然。鍾意我就應該明白我,唔明都冇嘢好講。女人要獨立啲,唔可以靠男人,始終有咗小朋友,有自己事業安全感會好啲!」

人妻寫真玩 cosplay,其中有美國隊長同神奇女俠造型,但重點如一,露事業線重啟事業。

下嫁從商的老公,林雅詩一直被外界以為過着幸福少奶奶生活。

當日為家庭,放下工作專心湊仔,由性感女神變密實媽咪。

當家庭主婦十年,林雅詩身材仍保持一副戰鬥格,令呢本人妻寫真不缺睇頭。

已除低婚戒

訪問期間,記者發現林雅詩已除低手上婚戒。

「婚姻嘅嘢好難講,將來唔知發生咩事,你有你哋睇我嘅好,但始終女人要有自己事業,總之好多嘢唔好睇表面。」林雅詩言詞隱晦,但似乎對婚姻已失去信心,需要鋪定後路。

13年露端倪

13年,林雅詩在微博放上兩公婆拖手相,但寫上:「點解要咁對我!」婚姻見紅已露端倪。

林雅詩與同期齊脫的顏仟汶,至今仍保持聯絡。

靠羅霖鼓勵

○五年,林雅詩下嫁經營鋼鐵生意的商人溫文英,翌年誕下兒子。婚後專心做家庭主婦,但息影十二年,仍保持一副戰鬥格。

其實早在數年前,已有出版商打林雅詩主意,不過真正打動她的,是失婚羅霖。

「佢(羅霖)喺咁嘅狀況下都做得咁好,激發我要向佢學習,係佢帶動我作出呢個嘗試。性感條路放低咁多年,出番嚟其實都有啲驚,但好多朋友鼓勵我,我亦想趁今次出寫真,睇吓自己能力去到邊。不過就算性感,都只係健康嘅。」

林雅詩唔擔心辣㷫老公,但堅持要顧及兒子感受,性感,唔再去到盡。

近月林雅詩為復出,開始接內地登台賺錢傍身。

早前林雅詩參加馬拉松,又學埋潛水,復出的她變得活躍。

古仔緋聞女友

97年選港姐入行的林雅詩,有身材又肯露,當年得王晶賞識,三年拍了十二部三級片,包括《獸性新人類 2》、《魔鬼屠夫》、《九龍天空之魔鬼屠夫》,當中以 98年跟古天樂合作的《邪教檔案之末日風暴》最為人識,由於二人在戲中有大膽肉搏戰而傳出緋聞。

同期脫星

影圈脫星,大部分都已經上晒岸,嫁得好除了葉玉卿和葉子楣,同林雅詩同期的顏仟汶和陳昭昭,亦生活無憂,行性感,也有好下場。

顏仟汶

杜汶澤舊愛顏仟汶, 04年退出娛樂圈,先後做過保險及侍應,又開民族手工藝精品店,現專心做少奶奶的她,偶爾返內地登台。

陳昭昭

現年 40歲的陳昭昭,無綫藝訓班出身,二千年接拍三級片《人肉豆腐湯》及主持成人節目《性在任你 Call》。 04年陳昭昭開始轉型,積極參與慈善活動, 09年被委任柬埔寨王國家庭農業發展協會副會長,並獲發勳章。突然有米的她,近年做老闆開電影。

撰文、攝影、攝錄:娛樂組

nextplus.nextmedia.com

鍾意就快D Share啦!