九十年代三級片女星林雅詩，同葉玉卿、葉子楣一樣，終極嫁人收山。結婚十年，37歲嘅林雅詩忽然復出，話下月出人妻寫真，完全唔怕老公嬲豬。
林雅詩老公從商，經營鋼鐵生意，兩人05年結婚，翌年誕下一子，林雅詩自此亦收起性感，專心相夫教子，不過息影12年，林雅詩狀態依然fit爆。
家住西貢千萬豪宅，一直婚姻美滿，惟2013年林雅詩忽然於微博貼十指緊扣晒戒指圖，但寫道:「點解要咁對我？」令外間不禁聯想其婚姻存暗湧，依家更忽然話出寫真，林雅詩接受周刊訪問時自言係先斬後奏，更揚言：「唔可以再靠男人！」至於婚戒，亦已除下。林雅詩當時話:「婚姻嘅嘢好難講，將來唔知發生乜嘢事，你有你哋睇我好，但始終女人要有自己嘅事業，總之好多嘢唔可以睇表面。」
報道今早出街，晚上林雅詩就同陳昭昭及梁焯滿到旺角出席月餅收集活動，林雅詩與男助手先到，見其左手手腕包崩帶，神情呆滯。問佢係咪扭親？林雅詩呆了半晌才說:「唔小心整親。」今晚亦未見其戴婚戒。及後林雅詩再受訪時，再被問及鎅手，她始說:「係有少少意外。」
至於如何整親？林雅詩又想了一會:「…er……都係唔小心整親。」鎅傷？她想一會才說:「少少鎅傷。」
談及周刊報道指其婚姻疑亮紅燈，記者問林雅詩近況如何，佢就話:「冇咩特別，都OK。呢期較忙，十月出寫真，都係忙宣傳同湊小朋友。囝囝就快十歲。」至於家庭狀況，林雅詩又想了想:「er……OK…。」
至於寫真尺度，林雅詩強調:「一定唔會似以前咁大，始終做咗媽媽，最多只係健康性感。」
|
鍾意就快D Share啦！
|
|
|