歪遊首爾
壹週 Plus主播推介 首爾醉醉醉
工作壓力，朋友聚會，初戀失戀總會有劈到斷片的理由。來到韓國，除了飲到悶的啤酒 HITE和 CASS，點解唔去試吓當地人自家釀製的韓國最傳統濁酒（馬格利米酒）？就算飲啤酒，都要識揀，去飲$20一杯的生啤
仲想睇多啲首爾吃喝玩樂？快啲上「壹週 Plus」搵我 Miss Y嘅「歪遊首爾」系列啦，每逢週日上架新片，多多支持。
自家製米酒 我搵到靈魂伴侶
「月香本色」，齋聽個名，已經醉晒，都未算，當翻開 menu見到「 16%酒精」，仲要成 700ml咁大支，仲飲？ G-Dragon又無坐我隔籬。
想試入門級，可點選用純米釀製的月香米酒（ Wolhyang Rice Makgeolli）。色澤米白，似豆漿；質地稍為比豆漿濃，但未算「𣲷口」；米味淡，不算突出。酒精濃度 6%，對於嗜酒的人來說，可算是 nothing！
如果你跟我一樣，總認為飲米酒要似食白飯，少少黏口又要夠分量，來一杯糯米釀製上百日的 Mun Hee，稠到「掛杯」，似飲糊仔。滿足之外，更有種尋找到 soul mate的感覺：係佢喇！應該要買入大量帶返香港， soul mate嘅嘢，可遇不可求呀！
$20一杯生啤用嚟識 oppa都抵
我知性，想以米酒來趟滿足心靈旅程；我也放任，喺香港都會醉到亂打電話，何解首爾啤酒處處，卻要禁我劈酒，驚我識 oppa呢？
人生路不熟，要買醉，一個字：平！
位於弘大的 Thursday Party， oppa侍應個個似足韓星，不過，平到笑的生啤才是重點。 KRW 3,000（約 HK$20）一杯生啤，雖然細細杯，味道又正正常常，但廿蚊有酒有服務，認真抵到爛。
生啤能夠賣得平，全因場內玩意（飛鏢、足球機等）統統收費，玩一次 beer pong更貴過三杯生啤（ KRW 10,000，約$65），覺得唔抵玩？玩輸就即飲多幾杯，即時抵番！
撰文：梁曉怡
攝影、攝錄：劉家銘
nextplus.nextmedia.com
|
鍾意就快D Share啦！
|
|
|