網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月24日 星期四

銅鑼灣真人騷 娘味葉璇激咀男友 葉璇,





其他影片:>>






葉璇同男友小默先生,愛得好高調,就好似重入情場嘅鍾麗緹咁,完全不介意同細佢12年嘅張倫碩公開晒恩愛。

今日下午四點左右,葉璇同小默先生去咗銅鑼灣行街街,由於兩人長居大陸,故一身打扮亦非常「貼近地氣」,男嗰個穿白恤衫,裡面疑似冇底衫,心口位特登唔扣鈕,足踏New Balance(定新百倫?)背包仲扣咗個都幾娘嘅鎖匙扣。

至於葉璇,足踏「透明阿姐拖」,LV袋孭前面,間條購物袋仲特登襯番條褲。兩人打扮確與自由行無異。兩人先去美珍香買牛肉乾,之後再去金百利一個鐘,睇男裝,又睇下鎖匙扣咁啦。金百利呢個時段人流唔算多,不過就算有好多人都好,佢兩個依然都係旁若無人,搭膊,掩腰,錫嘴。電梯期間,小默先生仲摵咗女友pat pat一下……好渴咁喎……

到五點左右,兩人行完金百利,落番樓下,見有街頭藝人表演,即停低看熱鬧,影相、自拍、再錫錫,不忘「打賞」。之後兩人去咗明珠城一間食肆,同一女性朋友開餐。喺友人面前,葉璇同小默先生依然好親熱,錫錫不特止,仲喺枱底玩手指,令人眼冤。

食咗45分鐘左右,兩人再去銅鑼灣地帶行一陣,又行Sogo超市買芝士同Parma Ham,然後一齊坐港鐵入機場離港,目的地疑是上海。由野生捕獲到佢哋到入機場,錫咗不下十次,睇嚟佢哋真係愛得好緊要。

採訪、攝影:楊浩賢、陳辰、畢紹基 搭電梯摸pat
完全混入自由行當中
打賞 同友人食完飯
一秒也不能分開
鍾意就快D Share啦!