熱爆娛樂: 甘比接放學前快買 [壹週刊

2015年9月24日星期四

是日甘比拎住嘅 2015年春夏 Hermes Plume Bag係歐洲版，唔貴，八萬蚊有交易。

會自己湊仔女返學放學嘅甘比陳海韻，早個禮拜趁未夠鐘去接放學，摩打腳去咗中環快買。

先去歷山大廈 YSL，應該預約好落鋪試衫，甘比一到，店員安排佢經一個門口入咗 VIP專區，試完身，甘比先走出鋪面望吓其他衫，試吓帽。

喺 YSL一大袋走，爭取時間，甘比幾乎係跑住過去太子大廈，喺 Mother Care揀咗幾件童裝俾仔女，跟住就落樓上車走。

照顧一女一仔，加埋大劉劉鑾雄，其實都 full晒，如果再生多個，甘比想偷時間搞自己嘢，仲難！

喺 VIP區試完衫，甘比走出鋪面再睇吓其他嘢，發現俾鏡頭「隊」住，即刻縮埋一邊。

趁仲有時間，喺 YSL買咗一大袋走嘅甘比，同保鏢由歷山大廈跑住過太子大廈。

日日親自接送一對仔女嘅甘比，早排接完放學，再一齊去買玩具，俾外婆拖住嘅小大劉，超得意！

Mother Care做緊減價，甘比又裙又褲，幫兩個仔女執齊。

鍾意就快D Share啦！