探熱針
龔嘉欣借醉 擒啜黃宗澤
出道七年，生電王龔嘉欣最出色的業績是一籮緋聞男友。早前跟筍盤黃宗澤拍電視劇《幕後玩家》，見同劇劉佩玥搶唔掂後，即乘機攝位，嗲功加飲大幾杯，化身醉娃的龔嘉欣終於搶灘成功，當眾埋身擒啜飲到斷片的黃宗澤。大勝！
叫澤媽做媽咪
現年三十五歲的黃宗澤，開餐廳做老闆外，又主攻內地賺人仔，身價今非昔比的他，是無綫頭號搶手貨。
與前度胡杏兒分手至今，黃宗澤雖然同合作拍廣告的日模 Jun傳出異地戀，但大台一眾小花依然唔手軟，伺機搶！除了公開放聲氣，自稱跟伍允龍已經分手的劉佩玥主動埋身，在新劇《幕後玩家》做他老婆的龔嘉欣亦唔輸蝕。
「嘉欣雖然好似冇乜出聲咁，其實佢仲主動過劉佩玥。好似去 Bosco間餐廳飲嘢食飯，佢會叫澤媽做媽咪，好厚面皮！因為喺《幕後玩家》做 Bosco老婆，嘉欣把聲又嗲，好多男對手都中招，好似坤哥，明知冇機都甘心做兵，不過 Bosco話晒經驗豐富，唔會特別對嘉欣有唔同。」知情者說。
黐埋啲都鬧
黃宗澤唔開閘，龔嘉欣惟有等。終於在《幕後玩家》搞煞科宴，機會來了！是夜黃宗澤出錢出酒，有老細俾錢，人人搏命飲，連平日扮晒乖的龔嘉欣，亦飲到醉晒。
「嗰晚嘉欣真係擺晒陣，全程霸住 Bosco唔肯行開，仲要又錫又攬，不知幾主動。有個𡃁妹稍為黐埋 Bosco近啲，佢即刻鬧人姣黐佢老公。其實 Bosco都開始醉，斷片唔係好知發生咩事，只係見鏡頭就不斷轉甫士表情，好搞笑！」知情者說。
週一（五月三十日）中午，龔嘉欣揸住緋聞男友、髮型屋老闆陳世俊（ Denley）的平治跑車，由西貢屋企出發到上環開工。
問她係咪對黃宗澤有意思，她說：「你哋想介紹男朋友俾我？我做嘢㗎咋，套套劇都有呢啲新聞，唔係咁好啦。」
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
