熱爆娛樂: 大反枱　環球拉隊撐 ViuTV　 Gin Lee街頭賣唱　陳奕迅 MV首播 [壹週刊

2016年6月2日星期四

大反枱　環球拉隊撐 ViuTV　 Gin Lee街頭賣唱　陳奕迅 MV首播 [壹週刊 - 1369] __,Gin Lee,ViuTV,Viu,陳奕迅,李幸倪,M1,

環球唱片代表

娛樂偵訊

大反枱　環球拉隊撐 ViuTV　 Gin Lee街頭賣唱　陳奕迅 MV首播

最近與大台無綫又再反晒面的環球唱片，實行打死罷就！旗下歌手全撐 ViuTV，繼陳奕迅新歌《黑洞》首播、盧冠廷走訪西貢區拍音樂節目後，李幸倪（ Gin Lee）亦接棒同幾位 buskers走勻港九新界，搵場地街頭賣唱，大台外患，有增無減！

放一哥谷氣勢

因為版稅問題，無綫同環球唱片一直唔妥，雙方雖然一度有偈傾，但早前又為每年續約一次的網絡條款合約再勢成水火，一發不可收拾。

「大台仲以為自己係獨大，之前因為版稅已經搞到一鑊粥，而家又搞網絡條款，要永久任用人哋啲歌，咁唔公平，梗係冇可能合作環球一向唔睇無綫台戲，即刻拉隊全撐 ViuTV，公司旗下歌手會陸續幫 ViuTV拍嘢。」知情者說。

環球除放一哥陳奕迅做開台嘉賓，新歌《黑洞》 MV亦安排在 ViuTV首播。

「除咗 Eason，盧冠廷都幫 ViuTV拍咗個《超想樂盧冠廷》嘅音樂特輯，以走訪舊日足跡做主題，好有人情味！至於 Eason個新歌 MV，環球直情俾佢哋首播，環球真係好撐 ViuTV。」

無綫代表

環球唱片總經理譚先生與星夢娛樂行政總裁何哲圖，最近就每年續約一次的網絡條款合約鬧翻。

ViuTV開台當日，請來陳奕迅為開台表演歌手，為日後合作留下一大伏線。

Eason新歌《黑洞》 MV，環球俾 ViuTV首播。

當真人騷咁做

陳奕迅與盧冠廷做先頭部隊，環球力捧的 Gin Lee亦將會接力。

「環球鍾意 ViuTV夠創新，歌手上音樂節目唔會响錄影廠咁呆板，好似 Gin Lee就要玩街頭賣唱，係考佢唱功，當真人騷咁做。

「 ViuTV拍嘢好認真，隊 crew有成四、五部機，跟足 Gin Lee同幾個 buskers幾日，港九新界周圍去，最後揀咗喺中環九號碼頭唱 live，同佢哋合作，會 feel到誠意。」

Gin Lee與幾位 buskers走勻港九新界，搵表演場地，為 ViuTV做音樂真人騷。

完成拍攝後， Gin Lee與幾位 buskers拍檔影相留念。

在中環九號碼頭做街頭賣唱，撞正當日打風，幸好拍攝沒受影響。

大到細都有份

一線歌手無任歡迎外， ViuTV亦願意提供機會給新人。

「 ViuTV真係一啲都唔似大台，除咗之前出咗街嘅《同 2047特首上學去》，有 Robynn& Kendy兩個；江海迦（ AGA）亦會同 ViuTV有節目合作。 AGA隻新碟好賣得（金唱片銷量），嚟緊環球亦會幫佢搞音樂會。 ViuTV嘅優點，就係唔會睇眼前利益，眼光放得遠，唔似大台咁保守。」知情者說。