掃呢頁CODE去手機

2016年6月2日 星期四

【壹週刊】陳七搞大肚》未婚妻借醉撞鬧「臭X」 前度李綺雯: 點解你哋知? __,陳七,李綺雯,M1,

陳七未婚妻Toby火藥味都幾濃,喺一個朋友婚禮,見到男友個ex李綺雯都在場,就狂隊自己飲酒,借醉鬧爆𡃁妹。點解咁火,有傳陳七同李綺雯仲有聯絡,藕斷絲連,耿耿於懷嘅正印Toby梗係嬲,加上未婚夫求婚兩年都冇進一步行動,夠晒觸景傷情。知情人士話Toby臨散席嘅時候,專登行去𡃁妹身邊,借醉撞佢,仲爆粗鬧佢「臭X」;𡃁妹呆咗一呆,睥返對方一眼,然後都廢事理佢就行開,但Toby仲想繼續嘈,好在有人拉住佢,如 ...


陳七未婚妻Toby火藥味都幾濃,喺一個朋友婚禮,見到男友個ex李綺雯都在場,就狂隊自己飲酒,借醉鬧爆𡃁妹。點解咁火,有傳陳七同李綺雯仲有聯絡,藕斷絲連,耿耿於懷嘅正印Toby梗係嬲,加上未婚夫求婚兩年都冇進一步行動,夠晒觸景傷情。知情人士話Toby臨散席嘅時候,專登行去𡃁妹身邊,借醉撞佢,仲爆粗鬧佢「臭X」;𡃁妹呆咗一呆,睥返對方一眼,然後都廢事理佢就行開,但Toby仲想繼續嘈,好在有人拉住佢,如果唔係上埋A1頭條。問𡃁妹係咪真有此事,佢一聽到,面都黑埋,死都唔肯再講。冤家路窄呢句嘢無錯,今個月18日兩個死對頭撞到正一正,喺K11同一間餐廳食飯,不過Toby今次好克制,忍住冇開拖,為咗個胎,唔好亂動氣好。

李綺雯,都係陳七collection之一。 大肚婆係容易炆憎!

鍾意就快D Share啦!