熱爆娛樂: 【半裸撚雀】男人最痛…森美上咗封面被譏「冇雄風」 _

2016年6月2日星期四

【半裸撚雀】男人最痛…森美上咗封面被譏「冇雄風」 __,森美,

炎炎夏日，女星群起騷波地，同樣，男星都要搏命曬，以防俾人見到帶住塊砧板加兩支光管出街。需知道，夏天嘅沙灘就係傳媒出沒之地，今日有周刊就影到森美打大赤肋，同老婆喺深水灣乾曬。報道話初時兩公婆都着住運動裝，冇耐森美就除咗背心，淨番條短褲，期間佢突然將短褲摺起，後面就露出圓渾臀部，前面巨鵰若隱若現。對住個大海，森美仲一度好「雀躍」咁捽下體……而周刊亦提到森美3年前曾患遺傳性抑鬱症，要靠做運動同減產嚟控制病情。《蘋果》今日打電話俾森美，佢先「哈哈」兩聲招牌笑聲，然後答：「俾人影到梗係唔開心啦，原本同太太接阿女放學，咁啱仲有一個鐘，諗住去跑步，後未改變主意去沙灘。嗰日係我第一日操fit，點知就咁俾人影到！今朝我俾班中學同學笑到面黃，話我冇雄風，又話我同方力申差好遠(同一周刊封面有方力申騷肌照)。我要密集式操吓，操番條事業線，希望四個禮拜後有成效。」俾人影到未修身好嬲，不過森美話更大鑊嘅係，記者影佢太太Veronica個樣唔多靚。「今次死梗，影我乜都得，但今次影到我老婆唔靚嘛，以前佢(太太)未試過影得唔靚㗎，佢見到實鬧死我，佢依家仲未起身，未見到本書，我都驚佢會嬲！」至於抑鬱症，森美話佢兩年前已經停咗藥，雖然情緒有時唔穏定，但已經有意慾去做嘢，加上依家會去教會做分享，個人容易開心番。呢頭講完，嗰頭森美就喺ig貼咗兩張半裸挑機圖，好驕傲咁話自己「雄風再現」！睇過先……

「雄風再現！」	「要反撲我現在是咁fit 㗎！哼！」	「你睇我對美腿，都吸引到妙齡少女的視線！」
難怪森美會嬲豬，你睇小方…半臥都有胸肌…(採訪、攝影:潘冠恩、吳耀輝)	方力申微博	方力申仲喺微博色誘觀眾…「其實如果大家喜歡看我不穿衣服，可以從6月23日起到電影院看《綁架丁丁當》，大家看多少次都可以，無任歡迎，多謝！」
森美稱俾同學笑到面黃！	森美話要喺四個禮拜內，keep到全身上下都見得人。	森美早兩年拍電影《等你愛我》，都試為一場剝衫戲而努力keep fit。
點o氹番老婆好…(《忽然1週》圖片)	森美雖然喺鏡頭前嘻嘻哈哈，但抑鬱病要到最近先康復。